Sar zaruripa ko majkavlitetno edukacia akcentoa ko Romane čhave tari Republika Utarali Makedonia, o Konsiliaro baši Inkluzia e Romenge taro Kabineti tari Presidenti e Govermenteskoro oZoran Zaevm o Elvis Mamemeti barabutne e deputatkaja i Ljatifa Šikovska thaj o Presiidento taro RBICM o Zoran Dimov iniciringje on line mitingo e romane NGO sektorea aktivistia thaj tim lideroa. Ko mitingo sine prezentirime i idea te startujnen o aktivitetoa ko aspekti tari edukacia bašo majkvalitetno inkluzia em konekcia e romane čhavenge an o odova procesi. Resime dengja pe majbut ki starti e kampanjake - “Sako romano čhavo ki škola” thaj e inicijativake “Pedagoško asistentia” . Akala aktivitetoa si len jekh a jekh targeti a odova si majkvalitetno edukacia ko romane čhave taro fundavne škole. O Zoran Dimov ko tikne punktia sar provajderi ilustriringja o profili taro aktiviteto Pedagoško asistenti aso verificirimi programa e profesijake ko AVRSM aso aktivno aktia ki aktivacia ki berza bukjake - Praktika bašo rodime profesie thaj zaruripa taro “Pedagoško asistentoa” so si len thaj sasto teloikeriba taro MTPS , i Agencia bukjake thaj MON thaj o komune. Ko divesa so aven ka definirinen pe o aktivitetoa thaj taro involvirime akava aktiviteto pozitivno akceptirime dejbaja lafi kaj ka len aktivno buti ko akala procesoa, I kampanja “Sako romano čhavo ki škola” ka implementirinel pe suportoa taro NGO thaj o aktivistoa em edukaciakere medijatoria ko teren taro kher ko kher te šaj promovirinen pe o šajdipa te hramonjen pe sa o čhave ki škola konektiribaja em o čhave taro jeroa so nane len personalno dokumento bijanipaske thaj si kotor tari kategoria persone bizo dokumentoa. Ko percvazia akale kampanjake šaj te konektirinen pe sa o zainteresirime riga em odoleske gindinel pe te putrel pe telefonsko linia ko nivelo taro o komune ko NGO jali ko škole kaj šaj notirinen pe o nahramosarde čhave thaj majodoriga te dikhel pe o plani hramovipaske e themakere instituciencar.
Ko pervazia e Incijativake Pedagoško asistentoa angleder te startujnel i Praktika baši akaja profesia ka kerel pe mapiriba ko teren te šaj motivirinen pe em informirinen pe o manuša bizi butiu so si registririme ko AVRSM thaj lena Garantirano minimalno lovengiri arka te aplicirinen ki akaja Akharin thaj te aven ki akaja praktika - informiringja o Elvis Memeti, Konsiliaro baši Inkluzia e Romengiri ko PGRUM