Sebepi o Covid protokolia thaj i pandemia akala dive e germaniakiri ambasadorka N.E. Anke Holštajn sine lake dendi i plaketa bašo baro angažmani premal i romani jekhin dendi taro Netvorko bašp sistemsko thaj savakteskere faisalia. Akaja plaketa sine dendi sebepi 8-to April Internacionalno dive e Romengoro thaj o Jubileo 50 berša taro ikeriba o avgo Lumiakoro romano kongresi ikerdo taro IRU. I plaketa sine lake dendi taro o koordinatori e Netvorkoske thaj aktuelno presidento ko IRU o Zoran Dimov.
I ambasadorka Holštajn šukrikergja akale plaketaske thaj akcentiringja kaj sako drom i Germania sar them ka kerel zoi te respektirinen pe o niamia e Romengere sar ki them agjaar avrial da. Oj akcentiringja kaj sar germansko ambasadorka am i Utarali Makedonia panda majbut ka pašakjerel e duj themen em nacien thaj e Utarali Makedonia ko majšukar forma ka suportirinel ko olakoro drumo premal e Europakiri Unia.