„Kako dema jekh sladoledi“ vakergja o Romano čhavo
„Nane sladoledi, agorkergja“! vakergja o slatkari.
„Epa dema jekh ekleri jali tulumba“! rodingja o tikno Rom
„Nane ni odova, na ačhilo ništo, em na dikhe kaj čistinav i vitrina taro troje so ačhile taro bureko“ vakergja o slatkari.
„Epa gte šaj dema o troje taro o bureko te mangljan „ molinel sine o čhavo.
„Ejjj so sian dosadno be! Aj le akala troje em mrš te na dikhav tut akate“ vakergja holajme o slatkari.
„Ov sasto kako“ vakergja o Roma čhavo em prastajbaja iklilo ko drom reslja ki mahala em e avere romane čhavenge lošale vakergja: „ Bruda lom kergjum e slatkare, partali!“ Leljum lestar džabe o troje taro bureko. Sa khedingjum lestar“
E asavki si i situacia e Romencar em e romane politikani partiencar palo najnevo hulajbe ko nevo makedonsko govermenti ko thana ministeri, vice ministreri Е direktoria em aver uče pozicie ko Govermenti.
Sa em svašta isi salde nane – Roma thaj ko dujto ešaloni.
Ake odokhare vredinel o romano politikano rejtingo ko akava Gpovermenti legardo taro SDSM a agjaar majpakjavutne ka ovel ko aver da Govermentia so ka lengaren o VMRO DPMNE em o avera.
E odoleske romane političaria em lideria astaren pe seriozno ko trampe em pregrupiriba ki tumari politikani agenda te manglen te oven seriozno partneri ko pobare makedonikane, albansko jali aver partie soske akanutne pozicijaja ni o SDSM, ni o VMRO DPMNE ni o DUI thaj avera skenirine tumen em prependžaren tumare kapacitetia em tumaro takati. Te ovel sine tumen čačutni strategia em vizia dži akana 100 droma valjani sine te kazninen tumare koaliciono partnenren ama odova na kergjen soske dikhen sine ko „troe taro o bureko“
Em keren panda poodoriga tumari FB politika. „ U dćikela havlajnenam o karavani nakhela“
.....džala poodoriga
