O moldia e mareskere persi masek barile paše bašo 20 % an I Europakiri Unia, a sar šerutno faktori akcentirime si o maripa maškar Rusia thaj Ukraina kote esapinel pe kaj akala duj thema si majbare eksporteria tari giv thaj I gjubrivo.
Prosek moldi e mareske an o EU bašo 18 % sine majuče ko avgust 2022 ki paralela adale masekoa persi berš sikavena o informacie taro Eurostat . Ko masek avgust 2021 prosek moldi e mareske barile bašo 3% ko beršeskoro nivelo, vakerel o Eurostat.
I Ungaria thaj I Litvania notirinena majuče beršeskere trampe an o moldia e mareske, kote barile bašo 66% thaj 33%.
Thema majtikne prosek bajraripa o moldia si I Francia 8%, thaj I Holandia em Luksemburg kote isi bajraripe e mareskere moldiake bašo 10%.
An I savi them taro Paščimalo Balkani barili I moldi taro maro?
O majkuč moldia e mareskere si problem so na arakhen pe salde o dizutne tari Makedonia , numa thaj o avera thema taro Paščimalo Balkani.
Ki komparacia maškar o thema taro Paščimalo Balkani I Albania si them kote o maro majhari ulo kuč , a ko Montenegro I moldi akale šerutne hajbaskere produktoske si duplo bajrardi, havljarela Radio Slobodna Europa.
Ki Albania ulo kuč bašo 20% em akana o dizutne tari akaja them kinena o maro 0,51 euro. O maro an I Srbia ulo majkuč bašo 4 procentoa pobut tari Albania a o dizutne o maro akana kinena le bašo 0,42 eura.
An I Bosna thaj Hercegovina akava artiklo si 0,79 eura, so si bašo 35% majkuč numa persi berš.
Asavko procentualno bajraripa e moldiake taro maro isi em ki Makedonia em ko dukjania nane maro so si telal 0.81 eura. An o Kosovo akava fundavutno hajbaskoro produkti šaj kinel pe bašo 0.50 eura.
Link : https://www.slobodenpecat.mk/vo-koja-zemja-od-zapaden-balkan-najmnogu-poskape-lebot/
