Akharin baši mobilizacia havljargja idžerati e rusko rezervisten . Ko tv notacie dži ki nacia o rusko prezidenti Vladimir Putin vakergja kaj ko desave specijalno askereskere operacie an i Ukraina trubul kotorvali mobilizacia. 300.000 askeria trubul te arakhel pe I them tari Ukraina vakerel o Putin.
I rusko asociacia “Vesna” akharel ko sarusko protesti mujal mobilizacia so rodela o president Putin.
O aktivistia akharena e dizutnen te ikljoven ko 19o časo ko 21 septmebro ko centroa olengere dizjenge.
„Milja Rusia amare dada, phralja thaj rom aka oven frdime sar mas ko akava maripa.Soske ka meren.
Vakerela pe ki vaktavin tari “Vesna” em akharel e askere ma te maren pe pobuter em te predajne pe kana ka oven validno o amadmanoa tari Duma so odova si kriminalno akti.
O avio karte tari Rusia sa bikindile kana o presidenti Putin rodingja urgentno mobilizacia taro 300.000 rezervistia vakerel I agencia Rojters.
O informacie ko „Google Trends“ sikavena progresi ko rodaripa ki web rig „Aviasales“, majpopularno web an I Rusia te kinen pe avio karte,
Direkt avio leti tari Moskva dži ko Istanbul Turkia thaj Erevan , Ermenia duj destinacie so šaj džana Rusincoa bizi viza primal o „Aviasales“, sine sa bikime a nesave linie konektiribaja okoja da tari Moskva dži ko Tbilisi isto bikime, Majevtino avio karta tari Moskva dži ko Dubai si pobuter taro 300.000 rublje (5.000 eura).
