Ko vakti taro civilno maripa ki Špania ko buteder maripa em konflikota maškar preperutne taro diferentno klase , religie, maripa mujal nacionalizmoa. Konflikto taro diferentno diktature , republikansko demokratoa, maškar revolucia thaj kontrareovlucia maškar o fašizmo em komunizmo kote sine pobuetr taro 500.000 manušikane viktimia Jekh taro odola viktimia sine o Ceferino Jimenez Mala, Špansko Rom rimokatolikano sikavutno prekal i religia em aktivisto manušikane niamenge ki protektiva e Romenge ki Špania. Ov sine pendžarutno em anavea sar "El Pelé". O Ceferino Jimenez Mala sine avgo Rom so sine beatficirime. O civilno maripa ki Špania sine taro 1936 dži ko 1939 berš . O Republikancoa lojalno e Levičarko Dujto Šoransko Revoluciake, ki unia e anarhistoncar , komunistoa em aver sindikatia, maren pe sine mujal o revolti taro nacionalistoaanavkerdi sar Alijansa taro famagistoa (desničarsko politikane partie) monarhistoa, konzervativcia em katolikoa, legarde tari grupa uče oficiria. O Francisko franko legargja i lidersko pozicia. Pali i viktoria taro o nacionalistoa, o Franko ulo lideri tari diktaturaem legarel sine e Špania sa dži na mulo ko 1975 berš. I Republikansko milicia (revolucioneria) mudargje e Ceferini ko 9 avgusto 1936 berš ki španiakiri diz Barbastro barabutne panda aver 18 dženencar. ,ajbut sveštenikia em vernikoja. O Ceferino sine skromno manuš em buteder vakeren sine kaj si but šukar persona em na sine le aktivno lendi rig ko akava civilno maripa.  Ole sine le pajdipa te ikljol tari piri vera em ma te merel , numa angleder te ovel egzekutirime ov lelja o tespie em vakergja: „ Te dživdinel o thagar o Hristos!“ O Ceferino Jimenes Mala sine astardo 15 divesa angleder te ovel egzekutirime  soske kana dikhle o revolucioneria sar keren atako upral o svestenikia  ov vakergja: “ “Kukavice!” Tumenge valjani li odokhare but manuša te čhiven e sveštenikon ko phanlipa?. Kana I milicia čučargja oleskere džepe arakhle tespie. I Ceferino barabutne e aver sveštenikoja so braninel le sine sine legarde ko improvizirimo phanlipa ko manastiri Kapučin, kote sine odothe aver 350 phanle manuša . Oleskiri posvoimi čhaj I Pepita sako dive anel leske sine hajbaske ko phanlipa. Ko phanlipa sare keren sine misa soske o Ceferni kerel sine sako drom religiozno adetia em aktia em odothe ulo sar lideri e phanlengoro. O phanle sine but holjame akaleske so aver phanle vakeren sine leske te ovel hari popretpazlivo, soske sine le skromno dživdipa em oleskiri familia rodingje taro Evgenio Solena anarhisto thaj membro ko revolucinerno komiteto te tromalkeren le. O Solena dengja sa pester te mukhen le ama sine leske vakerdo kaj o Ceferin kerel presia ko aver phanl em motivirnel sine e aver phanlen. E Soleneskiri čhaj em I Pepita rodingje olestar te frdel o tespie em ma te iranel I sama ko oleskoro katolicizmo, ama ov na manglja te šunel oleske . Nikana na sine hazri te mukhel piri religia pa te merel sine. Em agjaar sine o Ceferin Jimenes Mala sine beatifikujmo taro o Papa Pavle II ko 4.05.1997 berš. O Papa Pavle II vakergja kaj o Ceferin “džanel sin e te del harmonia em solidariteto em te faislakerel o konfliktoa so po desavo drom kerel sine pe konfliktoa maškar o Roma em o Gadje em odolea sikavgja I mangin primal o Isius em na džanel odoja mangin diferencia maškar o rase em culture”. Paše 3.000 Roma lele than ki ceremnonia ki beatifikacia ko Rim so neko olendar avile em taro Slovakia em Brasil. O Ceferin Jimenes Mala sine avgo Rom beatficirime .

fShare

Tweet