Taro starti e rusko invazijake ki Ukraina , majhari 1.5 milionia manuša iklile tari them maškar so thaj but čhave.
Nesave olendar bibahtale chidensa o droma korkoro ko akala phare droma. Pobuter taro miugrantoa rodena than ki Polska, a avera chidingje baši Ungaria, Slovakia, Moldavia thaj Romania.
I ekipa taro CCN snimingja sar jekh tikno čhavoro rovela ko vakti kana nakhela e ukrainsko simantra primal I Polska. O tikno čhavoro asvencar džala anglal I grupa manuša legaribaja plastično gono ko piro vast.
„But si tikno, hulavdo averendar em aver familiendar so našena taro akava maripa” hramonjela o CNN.
„Pakjava kaj sa akava dikhela o Devel” tergjola ki editacia taro akava video ko socialno netvorko.
