Angleder 12 masekoa kana peli i jekhto klapa an i relizacia e dokumentarcoske "Lokalno Hheroia - Lumiakere Talentia" avuilo vakti akava beršan o 1-to Mart 2018 berš an i Kinoteka e R.makedoniake ka ovel i premiera akalwe dokumentarcoske. O filmi si kerdo taro SP BTR Produkcia thaj o Studio 7 , scenario taro Zoran Dimov thaj Ramuš Muarem a an i režia taro Isljam Ajdini.

I ekipa so kergja realizacia e filmeske sine aktivno dromapripa, intervjua šerutne akterencar Bajram Severdžan, Vaska Jankovska, Rahim Burhan, Muharem Serbezovski, Zoran Dimov thaj anglutne arhivirime intervjua e akana mule Abdi faik thaj Esma Redžepova -Teodosievska.

Ake alo odova da dive thaj o majnevo produkto taro SP BTR an o dokumentarno filmeskoro produkto, an i koprodukcia e Studio 7 thaj finansiko suportoa taro Filmsko Fondi e Makedoniake kote i premiera ka ovel an o 1 Mart an i Kinoteka e Makedoniake an o Skopje.
taro organizatori - producento e filmeske Zoran Dimov si havljarde kaj ka ikerel pe taro 19:00 časo thaj akaharde si buteder misafiria.
O Dokumentarno filmi "Lokalno heroia - Lumiakere Talentia " konektirinela teme so aktuelizirinel likia - Roma so keren zori te eliminirinen stereotipia mujal o Roma kote prekal odola persone bičhavel pe jekh mesažo mujal o aver nacie.