Ake kotor taro odola tekstia.
O adetia taro notiriba akale diveseske si diferentno taro regiono ko regiono , numa isi jekh buti kote sako romani familia notirinel akava dive. O Herdelezi si majbaro thaj majlošalo barodive e Romenge. O udara trubul te oven phravde sakone misafireske ko akava dive. , thaj an i sako avlin pekela pe bakhre.

Aso o pakjajbe o Roma akava dive keren le sar havljarin kaj aven potate thaj majlačhe divesa . Tradicionalno o Herdelezi kerel pe 3 divesa,numa isi thaj štarto dive sar gazrkeriba. Odova si o starti e diveseske, kana o terne džana ko umalja khedena lulugja thaj salčina em patrina tari vrba, dreno thaj aver.

Ko respekto prekal o Sv Gjorgji, Herdelezi si jekh taro majimportantno bare divesa e Romenge ko Balkani. Akava baro dive si jekh taro raritetno so respektirinen ole sar o muslimania Roma, agfjaar thaj o Roma - hristiania.

An i hristiansko khangiri , o Herdelezia - Sv Gjorgji perela ko 6-to maj numa o keriba o dive startujnela an o 5-ro maj . O muslimansko kotor taro Roma o Herdelezi avel taro anava hıdrelez khorani forma lafi , so si miksi taro Hızır thaj Ilija. Premal o legende ko mitingio maškar popularno pejkamberi o Hizir (arapsko El Kadr - "čajrale -zeleno") thaj o proroko Ilija an o X veko sine starti tari nekanutno keriba baro dive khorano - anglonilaj.
O hzrkeriba e Herdelezeske satartujnela ko 5-to maj . Inače o khorane na-Roma na keren o Herdelezi.