Kultura

Nevi kulturakiri dalga: An o Skopje sine promovirime romani kultura thaj arti

Nevi kulturakiri dalga: An o Skopje sine promovirime romani kultura thaj arti

 

Ko Kulturakoro Informativno Centro -KIC , Salon 19:19 taro 19 o časp sine organizirime aakti kote than lele Teatar ROMA, - Skopje, Čerkezi banda Al Alion thaj i Pašia Fejzula.

 

Akale barabutne performanse an i organizacia taro NGO Iniciativa e buvljaripaske thaj Inkluzia e Jekhinake -IRIZ revitaliziringja thaj rehabilitiringja i romani kultura thaj tradicia prekal o sikaviba o kotora taro romane kulturakere thaj muzikakere grupe so individualno thaj korkore finasirime funkcionirinen an o nivelo e komunake Šuto Orizari jali an o nacionalno nivelo.

Citește mai departe...

Pobuter baši Romani čhib

I romani čhib jali aver forma rromani ćhib, si dajakiri čhib e Romenge. Oj si ki grupa taro indoarilisko čhibja, jali kalsifikaciaja taro centralno indoarisko čhibja. 

But droma si klasificirimi thaj sar ekstra čhibjakiri grupa sebepi baro numero paše čhibjakere varijante.

Prekal ISO standardia i čhib si čhivdi ki grupa makro čhibja so isi la telel grupa taro 7 čhibja jali pobare dialektia. 

Majbaro dialekto si valškoromano dialekto kote isi paše 1.5 milionia manuša so keren odoja čhib palo odova aven balkanskoromani grupa, karpatskoromani, sintskromani, velškoromani kalofinsko thaj baltičkoromano dialekto.

Citește mai departe...

Historia e romane himnake Djelem, Djelem

O versia tari romani himna "Djelem, Djelem" sine kerdi ko vakti e Dujto lumiakere maribaske an o jekh nacistikano logoro. I "Djelem, Djelem" si pendžarutni ko jekh thaj avere anavencar sar so si panda Jelem, jelem, Gelem, gelem, Romale schavale, Opre Roma. 

Ko agor e 60-to beršenge palo sikaviba e filmeske "Skupljači perja" taro režiseri Aleksandar Petrović i gili uli but pendžardi thaj popularno sar an i eks Jugoslavia agjaar thaj avrial an i Europa. 

Avdive si la buteder verzie akale giljake. Jekh olendar si so komponiringja la o pendžardo romano kompozitoro Žarko Jovanović Jagdino kote e buvle publikumeske sine pendžardo thaj sar Jarko. Aso o informacie o Žarko o teksti hramosargja ole ko 1969 berš.

Citește mai departe...

I Romani čhib si ko riziko kaj šaj našavgjovel

Avdive kana notirinel pe o internacionalno dive e čhibjenge, o informacie so sikavela o UNESKO an i konekcia taro riziko taro našavipa desave lumiakere čhibjenge kote an i odoja lista sar riziko čhib arakhel pe definitivno thaj i romani čhib.

Ko sako duj kurke našavgjovela po jekh lumiakiri čhib. Taro paše 7.000 čhibja so avdive keren pe lafi an i lumia, jekvaš olendar ka našavgjoven dži ko agor akale šelberšipaske. Taro barabutne 6.000 lumiakere čhibja , 96% si kerde lafi tari sasti 4% populacia. 90% taro čhibja nane len an o Interneto.

Akala informacie so sikavel len o UNESKO si alarmantno e našavipaske taro lumiakere čhibja.

Citește mai departe...
FaLang translation system by Faboba

Mangava te vakerav

Momentalno Online

       Isi 302 misafirija so dikhena o ROMATIMES.NEWS

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali