Bravo JP Komunalna Higiena, bravo Makedonia! Paldingjen tari buti e "majbare probleme an i them - e gjubradžija dromengoro!
O vikendi so nakhlja an o FB iklilo video kote jekh bukjarno - metladžia taro JP "Komunalna Higiena" sar đulaven o gjubre em ko than te čhivel ki kanta , ov tikno kotor taro odova gjubre frdel le ki len Vardar.
Normalno sar FB sine pherdo reakcia thaj komentaria , sar na ladžl akava manuš, savi them si i Makedonia so o gjubre taro droma frdel pe ki len em aver..
Pali kaja reakcia em video o JP "Komunalna Higiena" ekspresno kergja reakcia thaj dengja informacia ko mediumia kaj o gjubredžija si paldime tari buti! . Šukare drabargjen -PALDIMO TARI BUTI!
Bezeha o manuš šaj čače na kergja lačho akti numa na sine li aver sankcia sar so si te čhinavel pe tari plata ko avutne 3 jali 6 čhona!
Si li akava fakti kaj majlokheste šaj khuve po dume e majčoroleske a odova si o obično čorolo gjubredžia!
A tumenge o "Bare" kana ka čoren bare love - tegani ništo! Si li akava čorolo gjubredžia o majbaro problemi an i them em odoleske majpahre aktea te kerel pe leske konsekvenca - Paldiba tari buti em bizi egzistencia te nanen le te parvarel ple familia? Našti sine te khuven e here, khuvgjen e tovare.
BRAVO JP Komunalna, BRAVO Makedonia!
