O Kriso an o Berlin angja decizia kaj o Roma tari Srbia thaj Utarali Makedonia našti lena agjaar notirime "geto - penzie". I decizia panda nane definitivno akceptirime.
Aso historikani notacia ko vakti tari nacistikani okupacia an i Srbia thaj Utarali Makedonia na sine geto e Romenge , definiringja la o Kriso piri andi decizia, so ka ovel andi bašo sa dende aplikacie.
Aso o Kriso te šaj te resel pe akaja phurengiri penzia trubul te pheren o šartia - 5 berša buti ko vakti taro o dujto lumiakoro mariba so sine pukjime , jali buti so na sine pukjime kote dikhel pe kaj si pukjime sar so si akava akti paldime an o geto.
O "Geto" sar formulacia an o kanoni e geto - konc logoro thaj interniranje desave etnikane grupe.
O Kriso vakerel kaj o Roma tari Srbia thaj Utarali Makedonia ko vakti tari nacistikani okupacia na dživdinen sine ko geto, soske ola anglal o starti e dujto lumiakere maribaske sine ko čorole Romane mahale palo starti e nacistikane okupaciake thaj odoleske našti len pe sar formulacia te šaj len geto - penzie.
