Premal i notacia taro saborsko represento e romane minjoriteteske o Veljko Kajtazi si bibahtalo akteske kaj ko Megjumurije garavgje o fakti em „manipuliringje ko mediumia“ bašo avgo bijamo bebe ki Megjumurska župania.
Ko tradicionalno mediumeskere informacie bašo avgobijando bebe ko 2020 berš nane notirime kaj odova si ki romano familia, a premal o Kajtazi odoleske si dođale o županisko hospitalo em Megjumursko županija.
Odoleske akana valjani te zapučel pe soske si garavde akaja informacia bašo avgobijando bebe kaj si romano em soske akaja romani familija nane notirimi ki tradicionalno mediumsko informacia bašo avgo bijando bebe ko nevo berš?
Si li odova dar tari ksenofobično reakcia taro persdone so nane te mangen asavki informacia kaj o avgobijamo bebe si Rom? Si li akate elementia tari diskriminacia e phagibe manušikane niamia?
Bičhavel pe mesaži em mediumsko jertisaripe- izvinuvanje ko majsig roko taro institucie so bibahtake na startujngja but lačhe akava nevo 2020 berš ko Megjumurije em jekh a jekh tretmano e manušenge bizi diferenca ko savo etnikum ov preperela.
Te lipara kaj i Hrvatska taro januari 2020 berš ko avutne 6 masekoa ka ovel presidiumo e Europakere Uniaja. Akava si šukar egzamplo!