O Mirsad Šečić (27) beršengoro Rom sine phanlo ko phanlipa ko Zagreb „Remetnica“ kote ko vakti taro katoličko Krečuno sine ando ki komatozno situacia ko hospitali „Rebro“ ko Zagreb kote palo duj divesa mulo.
I paše familia e Mirsadeskiri vakeren kaj ov sine but mardo , numa e phanlipaskiri institucia demantirinel sa odova em vakerel kaj e phanleske sine le sastipaskere problemia em palo odova sine hospitalizirime ko „Rebro“ kote palo duj divesa mulo.
O rodaripaskere ofisia vakergje te kerel pe obdukcia te šaj dikhen sostar ov mulo.
O Mirsad si ko phanlipa sebepi kerdo incidenti ko jekh hospitali kote phaglja o sasto inventari em atakujngja upral duj doktoria sebepi so oleskoro dat mulo ko odova hospitali.