Ki tikni hungariakiri diz Oroslani angleder e neveberšeskere baredivesa sine brutalno mudaripa.
O viktimi si identifikujme sar Elizabet Kovač (37), so sine mudardi ko majbrutalno forma
Premal o lafia tari olakiri daj i Eva Farkaš o mudaripa ulo ko vakti kana oj kerel sine plo bijandidveseskoro parti. „ Mange javingja pe jekh mlo paše amalkaj mli čhaj i Elizabeta si mudardi. Akale incidenteske na sium sine informirimi tari i policia. E Elizabetake me sium sine startali soske sine hendikepirime em nadžanel sine ni te drabarel nit te hramonel.“ Vakergja i Eva.
Premal o mediumia i Elizabeta ko 30 decembro geli ko jekh parti. Oj e manuše so mudargja ola legargja le ko plo apartmano so sine telal i kirija bizi te džanel kaj šaj te kerel lake odova. Ov late mudargja odolea so čhingja olakoro krlo, em ko vogji posavgja la trin droma. Kana o gazda e khereskoro avilo peske khere tari buti dikhlja but bilačhi slika sakote sine rata em akhargja e policia. Dikhel pe sine kaj sine dendo otpor soske ki ospervacia taro detektivia telal olakere trnakia sine arakhli koža.
Palo o rodaripa i policia lelja o DNK analize em akhargja deš manušen te dikhel koj kergja odova em aso o analize arakhlja e manuše so sine bezdomniko.
E Elizabet sine la 14 beršengiri čhaj.
