I Dajana Gjurić isi la 29 berša. Sar odžačari kerel buti taro ple 9 berš , a palo studiriba ki Banja Luka reslja pe profesijajaem sar –ekologisti. Angleder desave berša kerel buti sar referenti romane pučibnaske ko Govermento e distrikti Brčko.
I Dajana vakerel kaj sa akava so kerel buti si but bahtali. O odžačarstvo sar so vakerel si olakiri avgo mangin so nane nikana te chidel pe, a ko jekh ple bukjakere obligacie sar referenti agorkerel ko vakti em plus kerel buti sar aktivisti ko Khedipa „ O Roma ki akcia“
O nakhlo anglonilaj olakoro dat o Jadranko em o odžačaria tari BiH organiziringje khedipa e odžačarengoro ko Brčko kote than lele upreder 60 odžačaria tari Srbia, Hrvatska, Slovenia, Romania em Italia , a palo odova I Dajana lelja thaj ko Festivali odžačarengoro ki italiansko diz Santa Maria Magore.
Oj planirinel dži berše te ukljel ko olengiri komunakiri bari zgrada kote dži akana uklili salde jekh odžačari džuvli tari Italia.
Oj vakerel kaj olate motivirinela i pozitivno energia so isi ki olate em so hulavel e manušencar trujal peste.
– Gindinav kaj sium odoja so anava baht em mangav e manušencar te hulava la em te dikhav asavde muja . odoleske but sium aktivno em kreativno”- vakerel I Dajana.
Trujal sar odžačari plo tromalo vakti i Dajana nakhavela em javer aktivitetoncar baši romani jekhin panda štar e javer terne aktivistoa em motivirinen e Romen te educirinen pe em te keren buti.
