Socijala

Ki EU mukhlo si avgo medikamenti mujal o Kovid 19

E Europakiri Komisia vakerel kaj avdive mukhlja šajdipa te lel pe o medikamenti Remdesivir ko tretmano mujal o Kovid 19 ki EU havlajrel I agencia DPA.

– Amen nane te mukha ni jekh bar bizo te dislocirina ole ko amaro zori te arakha efikasno tretmano jali vakcina mujal I koronavirusi vakergja I Stela Kirijakides eurokomesari sastipaske.

O mukhiba taro pervazi tari EU dendi ko paraštuj , primal I germansko agencia si akti taro medikamenti te del pe leske mkhli decizia te šaj te lel pe odova medikamenti.

O Remdesivir si avgo medikamenti so si le asavko sertifikati te istemalkerel pe ki EU.

O Remdesivir si artiklirime tari amerikansko biotehnikani kompania “Gielad” majanglal sine kerdo ko tretmano nasvale tari ebola, ama sine le tikno efekti.

I internacionalno studia ko agor e masekoske april upreder 1000 testirime sikavgja kaj o Remdesivir šaj te tiknjarel o vakti taro totalno sasljariba e pacientenge taro Kovid 19 ko prosek taro 15 dži ko 11 divesa , vakerel I DPA.

Novi Sad: Monstrumia seksualno atakujngje enjaberšengere čhave

I novosadsko policia majodoriga kerel rodaripa ko kergja odova akti ko 20 juni ki romani mahala Čertar ko Sremski karlovac kana seksualno si atakujme enjaberšengoro čhavo so panda si ko hospitalo.

O Roma so dživdinen ko Čertar si phanle ko ple khera tari dar a ko kher e čhaveskoro na sine niko. Premal o lafia taro komšie vakeren kaj o jeria e čhavengere na mangen te ikljon anglal o mediumia.

“ Na dikhlem len pobuter divesa, akana havgja pe akale akteske. O manuša keren e jerien došale soske mukhle e čhave korkoro te džal ki jekh privat parti em ko čačipa si.

Sasti rakj khelel pe sine ko jekh taro khera kote sine em muzika.

O komšie vakeren kaj ko agorutne divesa dikhle kaj i policia vela but droma ki mahala ama nadžanen si li neko astardo em phanlo.

Premal naoficialno informacie ki policia sine legarde pobuter džene , ama nadžanena si li neko olendar ačhavdo odori. Dopherdo so si daravutne si kaj odova seksualno atako kergje le pobuter droma upral o čhavo em šaj sine poobuter džene.

Trujal o traume em pharo lafikeriba soske si kađuko ov dengja notacia ki policia em pakjala pe kaj o manuša so kergje akava akti ka oven astarde.

 

Link: https://nova.rs/hronika/nova-rs-na-licu-mesta-monstrumi-silovali-decaka-9-celu-noc/

Užice: Srbinka lelja detektivi te kerel rodaripa si li olakere čhajakoro kamlo Rom !

Ko socialno netvorko Twitter iklilo edtorialo so šokiringja e dizitnen ki Srbia.

Oj lelja detektivi te kerel rodaripa si li olakere čhajakoro kamlo  Rom !

Akava ulo ko Užice , a i džuvli angažiringja privatno detektivi taro Kraljevo te džanel majbuteder bašpi čhaveskiri familiaso si ki mangljaripaskiri konekcia olakere čhajaja.

Ko olakoro tviti nesavi Zagorka Drdinka si hramosardo:

„Avdive sium sine čače šokirime kana mli jekh amalin vakergja mange kaj ko Užice isi šel garavde Roma so ni ola nadžanen so si. Oj angažiringja detektivsko agencia taro Kraljevo te arakhel e kamle olekere čhajakoro te khuven majhor ko leskere familiarno darhie . I džuvli šokiringja pe kana havgja kaj e čhaveskiri familia tari dajakiri rig sare si Roma. Ka keren li tumen da  odova em ka dikhen sar normalno buti kana tumari čhaj jali čhavo kamel pe romane čhijaja jali romane čhavea?

Akava tvit bukvalno thargja o socialno netvorko em ki majbari komunikacia ko komentaria sine notirime kaj akava si saste – Rasizmo!

 

Link: https://www.espreso.rs/amp/585307/srpkinja-unajmila-detektiva-da-istrazi-da-li-u-porodici-cerkinog-decka-ima-roma-imamo-najskandalozniji-tvit-u-2020?fbclid=IwAR2ka0xHK2EhPACnWps_HDPfnunCLP95Ek3Ju-CPpfA2H_sI-lbrBx8E7Ug

E Europakoro Konsilo akharel e themen membria te sikljon majlačhe i Romani historia

 E Europakoro Konsilo avgo drom akharel pire thema – membria majlačheste te keren integracia ki Romani Historia ko edukaciakere programe.

O propozalo si akceptirime taro Komiteto taro ministerial o ofiso kote isi ministerial avrutne bukjenge taro pan-europakere organizacie, “em avgo drom akharel pire themen – membria” te integririnen pe ki Romani historia ko programe em edukaciakoro materiali” notirime ki vaktavin dži ko mediumia ko Konsilo, so akahrel ko maripa mujal o “anti–ciganizmo” ki Europa.

Akava propozalo “isi le resarin te kerel majzor o haljovipa ko fakti “kaj o Roma si kotor taro nacionalno em europakoro sasoitnipa” em potencirinela kaj “importantno si te sikljon bašo kerdo holokausto taro Nacistia em olengere partneria  em aver kerde aktia kerde mujal olende (sakote ki Europa)“.

O teksti tari rezolucia akharel e themen te integririnen pe ko “komemorativno aktivitetoa” konektirime e Europakere diveseske tari komemoracia taro Romano holokausto , so si notirime ko 2 avgusti , jali alusaribaja data “ so si majlačheste adekvatno e historikane kontestoa ko thema, sar egzamplo ko vakti taro lokalno komemoracie . konektirime e phanlipaja jali deportacia e Romenge ko konc logoroa”.

O Komiteto taro ministerial notirinela ko jekh kaj si but importantno te konektirinen pe “o pozitivno storie tari I historia” e Romengiri, em olengoro “dopheriba ko lokalno, nacionalno e europakoro kulturaskoro darhinalipa” jali olengiri “aktivno rolja ko antinacistikano em antifašistikano uštipa”.

Trujal o šov milionia Jaudie so sine mudarde taro nacistia ko vakti taro Dujto lumiakoro maripa  o Hitler kergja asavki jazia te ovel paše 500.000 preperutne tari etnikani jekhin Roma, Sintia em Gypsy. O dujto avgusti si notirime sar dive tari notacia olengoro holokausto . 23.000 Roma tari sasti Europa sine deportirime ko Aušvic –Birkenau maškar o mart 1943 thaj juli 1944 berš. Odori paše mule savore.

 

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 382 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date