Socijala

Reakcia tari inicijativa e džuvlengiri taro Šuto Orizari: “Dali o bijanipa ki Amari Them – o Romane džuvlja pukjinena pire dživdipaja?!?“

I asociacia inicijativa e niamenge  džuvlengiri taro Šuto Orizari sikavel piri sevdža aso agorutno akti so džanen I sasti javnost kana muli I 26 beršengiri romani džuvli ko bijanipa. Ko peridoi taro pandž masekoa ki akaja ginekologia šaj te notirinel pe dujto drom sar merel Romani džuvli ko bijanipa.

O Ministeriumi bašo sastipa ki vaktavin akcentirinel kaj ko raportia ko delektronsko baza Moj Termin kerel pe lafi bašo kontrolirimo khamnipe kerde salde jekh kontrolaja ko 30-to kurko taro khamnipa, kana avgo drom sine konstatirime kaj isi la problemia e pritisokoa.

Akala notacie ko raporti taro Ministeriumi sastipaske saste si kontra taro amare informacie. Aso amare informacie oj redovno kerel sine o kontrole taro khamnipa taro piro personalno ginekologi a na salde jekh kerdi kontrola numa efta kontrole dži ko 30 kurko taro khamnipa dži ko momenti taro bijanipa.

Akala aktia em kontra informacie dena napakjiv ko tretmani em o priem ko bijanipa ko SBGA Čair.

Akharaja o Ministeriumi sastipaske e Themakoro sastipaskoro inspektorati thaj  o aver institucie te keren detalno rodaripa ko akti e mule khamne romnjake ko SBGA Čair.

Ko jekh akaharaja o o Ministeriumi sastipaske te kerel edukacia barabutne e patronažno ofisia kobor si  importantno o antenatalno kontrole ko reproduktivno periodi.

Ko jekh akharaja e džuvlen em e Romnjen ničale te keren kontrole ko poersonalno ginekologi em te keren ginekološko kontrole.

I asociacia inicijativa e niamenge  džuvlengiri taro Šuto Orizari sikavel hor gajreti e familijake em o majpaše tari muli khamni romni.

I Asociacia taro advokatia Roma: I andi decizia taro Krisi si fakti kaj isi policiakoro brutaliteti

I policia sar kotor taro Ministeriumi andrune bukjenge thaj o policajci sar uniformirano represent kerel buti aso kanoni thaj anglutne zojrakerde kanonikane saktia” vakerel pe ki reakcia.

I Asociacia taro advokatia Roma kerel zorali reakcia em došperaveka o rodaripa taro Policiakoro sindikati tari Bitola te eliminirinen o ando kriseskoro akti ko Skopje kote aso primal olengoro koleha o G.P. tari Bitola si krisime jekh berš phanlipa.

„O ando kriseskoro aktia taro Kriso ko Skopje a upral I funda taro arakhle faktia so sine kerde saste jekh berš . I Asociacia taro advokatia Roma liparel kaj o butikeriba em kanonikani savala e policijakoro si te kerel protektiva ko dživdipa e dizutnege, te del arka thaj te respektirinel o fundavno tromalipa em niamia, a n ate kerel em te phagel o kanonia , thaj policiakoro brutaliteto.

I policia sar kotor taro Ministeriumi andrune bukjenge thaj o policajci sar uniformirano represent kerel buti aso kanoni thaj anglutne zojrakerde kanonikane saktia” vakerel pe ki reakcia.

Ko jekh o ZPR šubikerel I natolerantno retorika  em etnikano profoliriba taro nesave portalia so eksciplitno akcentirinen o etnikano preperutnipa taro o viktimi N.Jašarovski.

 Upral I funda taro etnokano preperutnipa. O ZPR saste akharel ko objektivno informiriba aso Etnikanoi kodeksi e žurnalistengotro bizo te motivirinel natolerantno retorika, dislkriminacia thaj maškaretnikane tenzie” vakerel pe ki vaktavin

Pire čačipaja notiringja thaj o Gabriel Bajram

Status REAKCIA taro Gabriel Bajram:

 

„Respektirime dizutne, Republika Utarali Makedonia si demokrtasko them so del šajdipa tromale notacie tari gind, stavi em saste notacia ko sako umalja.

But siam bahtalo so o makedonikano žurnalizmi si le šajdipa te kerel rodaripa em te sikavel nevipa so si ko amaro makedonikano sasoitno trujalipa so angleder desavo vakti o tromalipa taro phravde te kere lafi sine anathema thaj kontrolirime resarinaja te garavel pe nesavo personalno interesi.

Kamav phravde te bičhavav bahtarina  kotor taro žurnailistia so ko thavdipa taro akala nakhle divesa legargje pe pobuter sar inspektoria a pohari sar reporteria  so si len savala te informirinen objektivno, saste em naprofiliripaja aso o Kodeksi taro žurnalistoa – membro 10.

Sar biznismeni havav o fake informacie sako drom si profitabilno em pobuter bikime taro čačutno infor, ama ni ko jekh momenti našti havav soske istemalkerel pe I familia Bajram  te šaj vazden piri reputacia ko desavo internet portal kote aso redaktorieskiri politika  šaj ana decizia kaj buvljarela pe ksenofobia thaj etnikano natolerancia te dikhlja pe o fakti kaj o informacie si konektirime e romane jekhinake sako drom anela bari doza taro stereotipia thaj diskriminacia.

Okova so vakerav nane salde alibi numa realiteto kana o redaktori e portaleskoro ko vakti taro lokalno alusariba ko Kočani bičhavel direktno daravina em provokacie mujal o Roma ko 30.10.2021 berš.

Sar te ovel da.. na mangava te iranav mi sama e personake so kamela mo anav te vazdel peske reputacia. Numa bahtarina oleskere garvasialipaske em akharav le te kerel rodaripa e saste akteske dži ko agor.

Akana respektirime dizutne mangava te elaboririnav akava akti, O GTC dela delovno objektia e pravno em fizičko perosnenge . Amari familijarno kompania so kerel buti servisiriba em eksport kompjutersko opremake rentingja magacinsko than kote arakhela kompjutersko artiklia so valjani amare bukkjake. Majdžovaplime vakerava em demantirinava  kaj ko magacini “randaja kriptovalute”, Amari kompania si licencirini te kerel eksport import e repromaterijalenge  komjutersko artiklenge.

Odova šaj dikhel pe ko aktia taro Centralno registry e Republika Utarale Makedoniake . Hohavnipa si kaj me em miri familia nalegalno čoraja struja ko GTC.

Amari firma sar em aver firme ko GTC sako masek pukjinaja I struja aso o kerde kontraktia , Našti havava akaja mediumsko hajka e žurnalistenge mujal I familia Bajram em mujal o romano politikano aktiviteto.

Ko jekh kana ki mi avlin ko vakti taro lokalno alusariba sine frdimi bomba ni jekh medium na sikavgja interesi ko mlo press na avili ni jekh TV jail portal trujal salde TV 21. Pučavama soske?

Odova info na sine odokhare interesno te šaj bikinel pe? Jali šaj o privatno džibdipa e familijakoro Bajram si majbut interesno te drabarel pe numa o šukaripa em o humanittarno akcie so kerena pe.

O MVR kerela buti sar so valjani em kontrolirinen o informacie bašo nesavo nalegalno došperavibaskoro akti. Numa I familia Bajram sako drom džanel sine te ovel tolerantno em gogjaver em ko montirime aktia jail kerde hajke mujal amende, Numa okova so tangirinela man si pobaro, Okova so ko sig vakti našti regulirinel pe. A odova si o tendeciozno informiribe mujal o Roma. Akale tendeciozno informacijaja kergja pe anticiganizmi mujal o Roma em peraviba maškaretnikano korelacia.

Sevdžineča man o komentaia ko socialno netvorko so si prekal etnikani funda čhiuingara. Analogno pučava man ko redaktorsko butikeriba e politika ko mediumia te del pe prioriteti e dživdipaske e familiake Bajram jail aver kulturakoro akti e romane jekhinake jail desavi stroia nesavo problem ki romani jekhin?

Odoleske mangava sa o mediumia te motivirinen pee m te džan amajngle ko rodaripaskoro žurnalizmi em panda jekh buti. Roden, randen te arakhen čačutni informacia bizi tendencia em politikano akti jail degaradacia saste jekhe familiake.

I Kadifeno revoluci ki a Čehoslovačka taro 1989 berš: 800.000 manuša ki Praga vikinena sine „Te dživdinen o Roma”

Ko 17 noembro 1989 berš, o totalitarno režimo ki Čehoslovačko Socijalističko Republika poćmingja te perel. Sar sine o Roma konektirime ki akaja anavkerdi sar Kadifeno revolucija?  Dali džanena sine kaj ko 25 noembro 1989 godina, 800.000 manuša ki Praga vikinena sine „Te dživdinen o Roma”?

Majbaro kotor akale akteske sine editirime taro Romea.cz ki čehiakiri čhib ko 2014 berš. Odova sine ažuririme akava berš te šaj konektirinel pe ko ažuririba sar informacia e lileske taro Emil Ščuka “Me sem Romano baroni”

„Ki Čehia akana ko NGO sektori isi 20.000 membria ko 200 lokalno NGO, ki Slovakia isi paše 30.000 membria ko 180 organizacie. Keraja sa amender te ilustririna I situaciua taro ekonomikane reforme amare membrenge. Na sare havena leno la vakeren kaj o bukja sine majlačhe angleder  ko vakti taro komunistia, kaj sine love em na trubul sine khanči te kera a akana siem ki tranzicia odova nane te ovel bizo problemia , sama I reforma si la piro plani vaktea em ked ka agorkerel savore ka ovel len benefiti olatar.žIkergjem mitingo e prresidentonacr sa e organizaciengoro em šaj vakerel pe kaj avdive 90% si desničarsko aktivitetencar. Na čhuda I levica so kergja akaja them te ovel peravdi em ekonomsko em moralno”

 

Link: http://www.romea.cz/en/features-and-commentary/reportage/czechoslovakia-apos-s-1989-velvet-revolution-800-000-people-in-prague-chanted-long-live-the-roma

 
FaLang translation system by Faboba

Mangava te vakerav

TV BTR NACIONAL

Momentalno Online

       Isi 322 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali