Socijala

Hulavde si o love khedime ki humanitarno akcia taro Roma News thaj i Ajgara Bend

O nakhlo vikendi pali inicijativa taro Portali taro Paris, Francia - Roma News thaj olakoro legarutno o Andrijano Djeladin, barabutne e dženencar tari i humoristikani grupa „Ajgara Bend“ implementiringje i humanitarno akcia anavkerdi sar Roma News by Comedy & Ajgara Bend, kote o džene tari i grupa prekal live stream kergje humoristikano performansi em programa pendžardo maškar o Roma sar Romanmi Audicia em ko sasto vakti bašo duj divesa palo štar saatia programa ko live kheden pe sine donacie so pukjinen sine direktno ko specialno kerdo konto taro Roma . dikhutne tari sasti lumia em dena sine plo kotor taro love.

 

Sasto vakti e akciake em e programake than lele pire humorea o Severdjan Bajram . Dr Koljo, Džekson Adem, Muarem Miki, Senar Ibraim. Muaremov Diljave em Ramuš Muarem . Cirko . Trujal olende than lele em but baro numero estradno romane čerenja em giljavutne . Ko vakti taro duj divesengoro programo po 4 saatia rele te kheden pobuter taro 7.000 eura.

 

Palo odova ko avgo dive taro nakhlo kurko  taro khedime love sine hulavde 900 eura em kingja pe 2,5 tonia varo so sine dendo bašo majčorole Roma ko romane mahale ko Skopje (Tpaana, Ciglana, Zlokukjani, Gjorče Pterov em aver)

 

Palo odova po 500 eura sine dende romane aktivistonge ki Bitola, Prilep em Veles kote ko sa o trin dizja sine hulavde ki sako diz po 25 paketia humanitarno artiklia socialno teleperavde kategoriake Rom,. Odova sine sa barabutne 1.500 eura.

 

Ko jekh o Dišo thaj o Koljo dengje trin e but socialno familienge po 100 eura, a ko jekh em paketi jekhe čorole familiake so sine hajbaske em higiensko artiklia, a ko jekh e 50 eura duj čorole Romenge.

Ko jekh pali kerdi koordinacia e odžaja taro Skopje o Ali Berat po 2000 eura den pe e dizutnenge taro than Plemetina ko Kosovo em 2.000 eura ko Kostolac ki Srbija sar arka e najčorole Romenge.

O phanle ko phalipa “Šutka” ki panika: Molina tumen den amen suporto!

Kana erati ko phalipa “Šutka” mulo phanlo , inficirime tari korona virusi resle panično mesažia taro phanle.


Molina tumen den suporto. Ko phanlipa isi pobuter nasvale. O cimeria taro mulo phanlo si legarde ko aver keli, ka inficirinen savorende hramosargja jekh phanlo.

 

Ko pučiba isi li aver neko simpotomencar o phanlo vakerela: “ 70% si amen temperature , khujnaja ama niko na kontrolirinel amen. Trujal o phale isi phanle so isi len panda 10, 20 jali 30 divesa te phanljon ama na mukhen olen” vakerel o phanlo.

 

Ko thavdipa e diveseske hramoranena sine aver da phanle so vakeren kaj ka keren bunt savore si kop ire, khuven sine ko kelie em havljaren kaj ka keren štrajko bokhalipaja.

 

Taro phanlipa em o ofiso vakerena kaj len pe sa o konsekvence protektivake em havljaren pobuter detalia akala divesa.

 

O phalo so mulo sine le 47 berša taro resen. Ov ko phanlipa avilo ko 8 marti. Nane pendžardo sine li inficirime kana avilo em dali inficiringja averen da.

Sebepi kontaktoa e žurnalistoa so si pozitivno ki koronavirus, o Zaev em Mickovski ki kherutni izolacia

O lideroa taro duj majbare makedonikane politikakere partie an I them o Zoran Zaev em Hristijan Miuckovski si ki kherutni izolacie. Akava vakergja le o ministeri bašo sastipa o Venko Filipče ko pres.

 

Ola ka koeren korkoroizolacia kana o duj sine misafiria ki jekh TV kote sine kerdo intervju e žurnalistoa so o testia sikavgje kaj si pozitivno ko COVID 19.

 

O đurnalisto ko momenti si hospitalizirime ko GOB “8 Septemvri” em si ki stabilno situacia.

 

O testi tari opozicisko VMRO-DPMNE sine negative, a u dažren pe o rezultatoa taro lideri taro SDSM o Zoran Zaev.

Paradoksi: I koronavirusi sa e nacienge sikavgja o momenti sar si e Roemge ko sako olengoro divesa!

I stigmatizacia si jekh forma solea arakhen pe o Roma ko olengoro sakodivesa. Maškar aver pendđžarutni fraza si:

O romane čhave na džana but ki škola em ki edukacia. O Roma si majbut bizi buti em bukjarno angažmani. Odoleske o Roma majbut rodena socialno ekonomsko benefitoa tari them , bizi diferenca kobor si bare opdola love.

O Roma majbut si targetirime kaj na pukjinena ko vakti pire komunalno smetke sar so si struja, pani internet em aver.

E Romenge na sine mukhle agjaar lokheste te džan ko stranstvo em iki Europa. Em ko agor o fakti kaj o Roma si but melale em khandena em odoleske o Gadje em o avera našena em chiden pe kana dikhen e Romen. E akana sebepi i pandemija taro koronavirusi isi jekh paradoksi. Ov si sar hošinen pe o javera sar so hošinen pe sine o Roma ko olengoro sakodivesa.

 

A odova si. Akana em o gadžikane čhave na džana ki škola. Akana em o Gadže nane len buti. Em akana o Gadže da roden em mangen socijalno arka. Akana em o Gadžo našti pukjinel oi struja o pani o internet em tv. Akana em o Gadžo našti ikljol te džal ki Europa. Na mkhen le. Em ko agor akana o Gadžo, gadžetsar našel duj metro ki rig ma te inficirinel pe.

 

Nali si paradoksi?

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 185 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date