Socijala

Kobor čače o Govermenti si hulavdi te tamikerel inkluzivno sasoitnipa em kerel zori saste socialno inkluzia e dizutnen o Roma?

Formalno thaj deklarativno si političko mangin em suporto ko akava Govermenti čačutne implementaciake e strateško dokumentonge ko lačharipa i situacia e Romencar em sar opservacia ko dende dekretia tari Europa maškar so o respektiriba e Europakiri platforma baši inkluzia e Romenge.

Numa si li ki parktika agjaar? Ko 2018 berš i akcepcia ko bukjarno angažmani ki themakiri administracia si 1,3 procentia jali babrabutne ki buti 1.800 Roma.

Sar distribucia bukjarne thanenge paše 1.4 % si ko nalegarutne bukjarne thana, a 0.2% ko legarutbe thana em 0.6% alusarde sar anavkerde persone.

Sar faktori akale bilačhe akcepciake trubul te potencirinel pe o agjaar anavkerdo balanseri so sikavgja pe sar bilačho instrumenti ko tikne etnikane jekhina.

Ki komunalno infrastruktura ko Govermenti hramosarel o sukcesi kaj o Budžeto bašo 2020 berđš si duplo majbare el si 40 milionia denarua (trujal 650.000 eura).

Kobro si odova love te faisalkerel pe akala infrastrukturno problemia ki romani jekhin ka sikavel o vakti.

Avutni destinacia taro „Del, Rota“ phuv“ si i Skandinavia

I ekipa tari SP BTR Produkcia džala majodoriga ple filmeskiri avanturaja. Pali Srbia, Romania, Bugaria, Francia, Špania, Rusia akana si i Skandinavia
O filmsko dokumento so kerel i Romani historia kote si o Darhinalipa, migracia, kultara, Tradicia, Čhib o bibahtalipa e Romengoro thaj olengere parapapua.
Akava vikendi i SP BTR Produkcia si ki Skandinavia kote pendžarutne historičaria em so pendžaren i Romani kultura, tradicia ka ilustririnen pire faktia tari romani historia.
Odova havela pe neve momentia em čačipa e Romenge ki historia. . Keriba intervjua em interesno momentia ka oven Roma tari Danska, Švedska, Norveška em Finska.
Odolea em i publika ka zapendžaren i historia e Romengiri ko akava kotor tari Europa.
Ko kerde intervjua ka oven konektirime pendžđarutne Roma so džanen o teme. Ka vakeren bašo nakhlo periodi a ko jekh o akanutno momento olengiri inkluzia em i pendžarutni skandinavsko demokratia.
Ki ekipa tari SP BTR Produkcia akava drom ka oven i ekipa so si o producento Zoran Dimov, o naratori em akteri o Bajram Severdjan, scenaristo Ramush Muarem – Cirko, em o tehnikano kotor so ka sniminen o Isein Bajram em Erhan Demir.

O Britansko Roma ušten mujal o nacistoa

Kana i Daniela Abraham sine tikni čhajori ki Slovakia ko 80-to berša ko nakhlo veko olakiri daj pučljala soske hardžinela but vakti ko nanjovipa ki kada oj vakergja :“ Soske vakergje mange kaj sium melali Romani čhaj“ vakergja pe dajake.

I Daniela si Romani. Olakiri diskriminacia ki Slovakia počmingja panda angleder I fundavutni škola. O tike čhave na mangen sine te kheln olaja, sine maltretirimi em anavkerdi “ciganka” so asocirinel sine kaj si oj čor, kriminalco, hohavno.

Avdive I Abraham (39) dživdinel ko London kote akana sig sine organizatori o avgo kolektivno protesto e Romengoro mujal e slovakiakere neonacistoa so kana ale ki vizita ki šerutni diz thaj mangle te aven em te kheden pe o Slovakoa so dživdinen ki Britania pali piri kauza.

Oj istemalkergja o džuvljano anav tari olakiri daj, ko than olakoro anav, soske isi la paše familia so dživdinen ki Slovakia , kote si učo nivelo ekstremno neonacistoa so keren panda majbilačhipa e Romenge numa ko vakti taro olakoro čhavoripa.

Ki Britaninia oj si konektirime ko Memorialno fondi taro Sinti, Roma em holokausti. Majhari 750.000 Roma em Sinti sine viktimia ko holokausto. Aso o majneve rodaripa majpakjavutne odova numero si duj droma buteder.

Kubiček: I ksenofobia so targetirinel e migrantongiri kriza kerel panda majbilačheste i situacia e Romencar

O Andrej Kubiček agorkegja postdiplomsko stduie palal i sociologia ko Filozovsko fakulteto ko Beograd kote ko momenti si ko doktorsko studie.

Oleskoro rodaripaskoro interesi konektirinel sine o socialno konflikto thaj i sociologia taro etnikane grupe, a i šerutni rodaripaskiri tematika sine o rasizmi mujal o Roma.

O Roma, Egipkjania em o Aškalie si maškar o majteleperavdi grupa nacie taro pobuter faktoria, Ko personalno plano pobuter olendar dživdinen ko čorolipa, jali nastatndardo lende love ko masek.

Nane odole historikane bibnahtake so šaj koregirinel pe a majbut ko Roma kote si len konstantno em kalr kontinuiteto maškar o historikane em aktuelno bibahtalipa.

I bibaht e Romencar ko vakti taro Dujto lumiakoro maripa em o terori so sine kerdo upral olende si but hari dokumentirime em odoleske trainel pe sine deceniencar but svesno em agjaar mangle. Pakjav em tergjovav palo odovba kaj majlačheste šaj te haljovav i historia taro rasizmi mujal o Roma em olengiri momentalno situacia so čačutne phanli.

Dži kote odova momenti na koregirinel pe em na astarel majbaro numero Roma so pire kerde presiaja ka šaj te problematizirinen i momentalno situacia , o viktimia tari historia ka oven nabut respektirime, vakerel o Kubiček.

Link: http://balkans.aljazeera.net/vijesti/kubicek-ksenofobija-koja-prati-migrantsku-krizu-pogorsava-polozaj-roma?fbclid=IwAR1y_vBk8XOZemYf-Hui9diKsHzETYQ6FemAA9tHin3iGpMdx78b8K1Y7NM

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 138 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date