Socijala

Austria: Austrisko gazdia taro hotelia čhudena e kriseskoro akti “nacistikano papo” mujal jekh klienti – misafiri

Jekh misafiri dengja kriseskoro akti kana dikhlja ko Internet ko vakti ki visita e hotelske Ferinhof Gegeros.

O gazdia taro asutrisko hoteli 4 čerenjencar em jekh olengoro misafiri dengja džio ko kriso akti kana dikhlja prekal o interneti , kritika e portretoske taro „nacistikano papu“ ko lobi, em čhidingje o akti soske o misafiri reslja te arakhel faktia kaj olengiri paše familia sine membro ki nacistikani partia.

O germansko misafiri anavkerdo ko kriseskoro akti sar Tomas. K. sikavgja kritičko akti ko
Booking.com thaj ko TripAdvisor jekh kurko palo oleskiri visita e hoteleske Ferinhof Gegeros ko tirolsko Alpe ko avgust 2018 berš.

O gazdia e hoteleske vakeren kaj nadžanen sine kaj olengoro papi sine ki nacistikani partia thaj majpakjavutne ka pkjinen kriseskere aktia pire misafireske paše 10,000 € (8.350 funte).

Link: https://www.theguardian.com/world/2019/dec/16/austrian-hotel-owners-drop-nazi-grandpa-court-case?CMP=Share_iOSApp_Other&fbclid=IwAR1WX9pb_Z3qk7MkSsUKzbIX7GyIpADjO6n-J0ndoOzidq6aw6FfEOFt0-Q

Revizia: Paše 134.000 persone so šaj te keren buti lele socijalno arka

Taro barabutno numero so lena socuialno arka ki Srbija kote ko 2016 dži ko 2018 berš si 268.000, a olendatr 50% šaj te keren buti.

Odova vakergje o representia taro DRI ki prezentacia e reviziake ki tema matrialno suporto sar aktia mujal tiknjariba o čorolipa.

Sar so si vakerdo ki reviziaasikaven kaj akava akanutno sistemo na anela rezultatia sebepi naefikasno koorelacia ko institucie thaj mukhen o šajdipa kaj okola so šaj keren buti lena socialno a valjani te oven avri tari odoja lista.

Ko periodi taro 2016 dži ko 2018 berš sine sikavdo o pregledi taro salde šatar taro sa 140 centroa socialno bukjenge.

O dživdipe ko čika, žmurke ko deponie – „Dom za vešanje“ ko 21 veko

Čika dži ko kočaka, ki avlin randimo kanali kote i kanalizacia direktno legarel ko šae lejnori, buzni phanli učkurea ko jekh kašt , o čhave prastana palo kanja ki čik, udžarel pe redo ko polsko WC si slika tari romani mahala ko Bojnik komuna ko purab tari Srbia.

I slika si sar neko te mukhlja vakteskiri kapsula ko odova than jali direktno ambienti sar ko filmi taro Emir Kusturia! Sa odova ko 21 veko. Ola ko 2011 berš avgo drom sine thardi sijalica, soske angle na sine len ni struja.

Tari lokalno deponia šunena pe čhavorikani galama sar khele ko guboja žmurka. Olende nane len ni than khelibaske pa khelen odoriga.

Odoja si salde je

kh taro 5 romane mahale ki komuna Bojnik so isi len asavke problemia a i komuna Bojnik gejnela 15% Roma jali sa paše 1650 Roma prekal i statistikani operacia kerdi ko 2011 berš.

Link: http://www.romskiportal.com/2019/12/17/srbija-zivot-u-blatu-zmurke-na-deponiji-dom-za-vjesanje-iz-21-stoljeca/

Romane čhave si ikavde taro čhavorikane gradinke, o Ministeriumi na pukjingja

Deš thaj duj romane čhave si ikavde tari evidencia ko čhavorikane gradinke ki komuna Kotoriba ki Hrvatska, soske o Ministeriumi baši edukacia na pukjingja ko vakti oelngere akomodaciake ki odoja gradinka.

Akcentirime si kaj odola ćhave pobuter taro jekh masek na džana ki gradinka trujal so si len niami te džan aso i Nacionalno strategia baši inkluzia e Romenge so e Hrvatsko Govermenti akcpetiringja la panda ko 2012 berš.

Akava egzamplo si „ salde panda jekh taro manifestace baši naimplementacia taro propozalo e strategiake so anen pe ko sa o niveloa taro govermento , a majbut reflektirinel pe dži ko agorutne implementatoria, a odova si o čhave em olengere jeria so majhari sine len takati te keren presia bašo akala akana situacie“ vakeren o hrvatsko mediumia.

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 119 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date