Socijala

Akava si e Mališakoro vakti: Prandingja pe, promoviringja nevi gili , a ko sig vakti ka khuvel ko Realiti Show " Zadruga 3"

I jekhutni čhaj taro 47 murša čhave posvoime tari pendžardi romani muzikakiri thagarutni i Esma Redžepova Teodosievska i Mališa akava periodi si olakoro. Ko maškar e masekoske avgust prandingja pe thaj kergja spektakularno biav ko skopsko hoteli "Belvi".

Ko biav sine but pendžarde anava tari muzikakiri estrada , thaj interesno si so oj ko akava lakoro bijav na giljavgja ni jekh gili.

Oj ko sig vakti planirinela te džal majdoriga pe dživdipaja ki belgia . Brisel barabutne pire romea so si biame em dživdinela ki Belgia . Numa i kariera tari muzika džala majodoriga.

Akala dive oj si aktuelno ki promocia pe dujto giljake em o video spoti ki jekh interesno latino ritmo anavkerdi sar,,Amorcito„

Trujal i promocia e neve giljake oj akala dive si aktuelno ko mediumia ko regioni sebepi i informacia kote majpakjavutne ka ovel kotor taro Rijaliti regionalno Show anavkerdo sar "Zadruga" - trinto sezona

Akale informacienge i Mališa vakerel kaj na kamel te vakerel detalia , numa ko avdisutno vakti kana sare len than ko odola realiti show anen em bari popularizacia thaj si jekh taro majdikhle ki them tari Ex Yugoslavia

50 berša taro tiknevakteskoro funkcioniriba e Romane Uniake tari Čehoslovakia, o Roma liparen olakere pativa

Ko 30 Avgusti notiringje pe 50 berša taro fundiriba e Romane Uniake (Svaz Cikánů-Romů) an i teganutni Čehoslovakia . Akaja avgo romani organizacia mukhli sine taro govermento te funkcionirinel ko čehiakere teritorie kote piro konstitutivno jekhto Kongreso kergje le ko Brno ko 30 Avgusti 1969 berš.

Ko vakti kana sine akaja Unia so sine pohari taro štar berša engleder te ovel kosli telal i presia taro kotora taro komunistikano režimo ko anglonilaj 1973 berš, thaj oj ko odova vakti buvljarga baro numero romane aktivistoa.

Te šaj počminel angleder lungoberšengere procesoa tari rig e romane intelegencijaja te keren piri organizacia , a oj sine formirimi ko kontekst taro šartia relaksaciake ko sasto sasoitnipa ko vakti e Praško anglonilaeske e reformaciencar taro themakere politike so keren pe sine upral o Roma thaj nakhaviba tari akaja politika ki asimilacia ki jekh kulturakiri thaj socialno integracia.

Link: http://www.romea.cz/en/news/czech/on-the-50th-anniversary-of-czechoslovakia-apos-s-short-lived-union-of-gypsies-roma-community-members-recall-its-hopes

Youtube:

 

Ko Prilep ki romani mahala Meksiko panda nane lačho pani pijbaske

Ko Prilep aso NGO sektori isi maškar 9 thaj 10 mile Roma, a aso i statistika taro 2002 berš isi paše 4.500 Roma

Majbaro kotor dživdinena ki Trizla, thaj isi ko nalegalno romane mahale sar so si Tri Bagrema, Meksiko em avera.

O kherutnipa si jekh taro majbare problemia ko roma ko prilep. Odova si barikada te šaj o dizutne te ovel olen normalno funkcioniriba. I legalizacia ko Prilep si purano problemi.

Ko jekh o Ilija Jovanoski - dizjakoro šerutno ki Prilep akcentiringja kaj tari romani populacia isi trujal 2.500 – 3.000 objektia legalizaciake a olendar si realizirime paše 50%..

Dži ko akava momenti isi kerdo DUP ko 30 ha ki Trizla 2. Ačhona panda paše 60 ha so si ki faza tari urbanizacia.

Ko than anavkerdo sar Berovska kotor tari mahala Meksička isi zijankerdo asfalti so isi etnikano hemime dizutne ki mahala. O khera kaj so si o Roma nane asfalti a nesave familie nane len ni pani pijbaske.

MTSP: Isi 10,8 milionia eura, akahren pe o komune te bavljaren o socialno aktivitetoa

Barabutne 10,8 milionia eura taro Ministeriumi baši sociala thaj dena pe e komunenge tari republika Utarali Makedonia te buvljarel pe ko lokalno nivelo anglal 5 berš.

O ministeriumi akahrela e komunen te sikaven interes te aplicirinen bašo grantia so si bašo socialno aktiviteto . suporto e individuenge jali familie, kherutno suporto, personalna asistencia, diveseskoro suporto, limitirimo suporto, tikne grupno khera, diveseskere centroa thaj šarti dživdipaske suportoa thaj aver inovativno aktivitetoa an i jekhin.

I akharin si havljardi ko duj gazete thaj ko web rig taro ministeriumi а www.mtsp.gov.mk (proekto ko lačhariba e socialno aktivitetonge), kote isi formulari te sikavgje interesi.

O agorutno roko te sikavel pe interesi te resen pe grantia si 31 Oktomvri akava berš.

 

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 444 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date