I Asociacia taro bibukjakere intelektualcia - INI tari Vinica počmingja te kerel rodaripa baši edukaciakiri inkluzia e čhavenge Roma taro komune Vinica thaj Kočani, thaj o forme tari bukjakiri eksploatacia , diskriminacia thaj aver forma taro terori upral olende.

Partenri an i realisacia e proekteske si o Romano NGO "Avena" taro Kočani , a o rodaripa thaj i analiza ka implementirinel pe ko pobuter target grupe dizutne an o thavdipa akale kalendarsko beršeske.

Kama te resa ki čačutni percepcia taro numero romane familie kaskere čhave na džana an i škola thaj si viktimia an i bukjakiri eksploatacia thaj terori. Ka kera buti an i majlačho informiriba ko olengere niamia thaj te keren majzoralo io kapaciteto ko relevantno institucie te čhinaven e lhavengiri bukjakiri eksploatacia thaj diskriminacia e čhavenge sebepi olengoro etnikano , religiozno thaj aver preperutnipa.

Akale familienge ka da suportho te akceptirina olen anglal o lokalno institucie konkretno propozaloncar te anen majlačhe programe ki protektiva ko niamia e čhavenge, vakergja o Todor Conev, presidento an i Asociacia INI.

Ko aktivitetoa akale proektoske ka oven organizirime edukativno praktike e jeriencar thaj ka kerel pe brošura an i protektiva e niamenge taro čhave taro bukjakoro eksploatacia, diskriminacia thaj terori.
 
Akaja analiza si finasirimi lovencar taro EU an o pervazia e proektoske " Strateško partenrstvo ko buvljaripa e socialno agendake ko trampe" so implementirinel la i Asociacia baši akcia mujal terori thaj kinobikiniba e manušencar "Putardo Udar"

O Roma kana džana ko doktoria sakodive arakhen pe buteder problemia , a e krisoskoro sistemo ko jekh nane "an i olengiri rig" žalinen pe o kativistia e romane NGO so vazden i gind an o pire hakoa.

Odothar akcentirinen kaj i policia but droma olen tretirinen len sar "kriminalcia" kaj na resen jekh a jekh tretmano thaj an o socialno institucie. Phare aven dži ki buti odoleske salde soske si Roma. Majbut olendar si mukhle te oven bokhale, čorole thaj diskriminirime.

I stigmatizacia thaj diskriminacia mujal olende , tari rig e averendar an o sasoitnipa, thaj dopherdo kerel lenge panda phareste olengoro sakodivesa.

O Roma sar minjoriteto an i Makedonia trubul te ovel olen jekh a jekh tretmanoa sar o sa avera nacionalitetoa an i them. Vakeren kaj si vakti te vaudel pe i gind kaj savore si jeh a jekh, thaj savorenge te del pe šajdipa te keren progresi thaj te dživdinen normalno thaj sasto dživdipa.

Ola reagirinena kaj isi but aktia kote ola thaj olengere paše an i familia sine diskriminirime thaj na sine lenge dendi adekvatno jurisdikciakiri satisfakcia.