O gazda e firmakoro vakerel kaj ov našavgja i kontrola upral peste korkoro

O gazda e kompaniake " Durmo Turs" Durmiš Beluli ki notacia bašo "24 Vesti" vakerel kaj o busi so irangja pe ko trinto di sine tehnički saste. Ov an i notacia e televiziake vakerel kaj o bukjarne an i kompania šungje pe prekal telefono e šoferea thaj ov olenge vakergja kaj našavgja korkoro i kontrola kana paldel sine o busi.

-Bukjarni persona an o "Durmo Turs" sine le kontakti e šoferea pali i bibaht. Ov vakergja kaj sine an i funkcia thaj našavgja i kontrola, ko pučiba dali našavgja i kontrola upral o busi, jali korkoro upral peste o šoferi vakergja kaj našavgja i kontrola upral peste. Majpakjabvute taro sastipaskere karane . O busi džala sine paše 200 metria thaj na sine kočiba. te stopirinel o busi thaj na sine asavki reakcia ni taro šoferi, vakerel o Beluli.

Ov dopgherel kaj hošinel moralno džovaplipa thaj dela gajreti sa e familienge so isi len mule.
Oleskere notacie si kontra taro notacie so vakergja jekh klienti - dromarutno an o busi kaj o šoferi našti sine te iranel o volani taro busi , a sine li kočiba odova trubul te vakeren o stručnaika so keren rodaripa akale bibahtake.

Link: https://www.brif.mk/ke-bide-li-vozachot-na-durmo-turs-ushte-edna-zhrtva-sopstvenikot-i-trvdi-deka-izgubil-kontrola-nad-samiot-sebe/?fbclid=IwAR2sTXGar-1E6fC8G--

Pendžardo si o identite taro o 14 viktimia so našavgje piro dživdipa ki buseskiri bibhat paše o Karpalak. Sar so informirinen o mediumia odola si:

Rametula Abdulraimi, jekh an i familia Abduraimi
Valdete Hamiti (1989), taro Debrešte, daj duj e čhavenge
Jovica Trpevski, taro Gostivar, čhavo e deputateske Blagojče Trpevski
Besim Kamberigav Senokos, Gostivar
Onur Sadiku (19), Gostivar
Esat Emruli, Gostivar
Ajdin Ismaili (19) Gostivar
Besim Fetai, Vrapčište
Bejza Uzeiri, Dolna Banijica
Zoran Davidovski (1981), bukjarno an i komuna diz Skopje
Boban Avramovski, studenti an o FON
Trpana Janevska, penzioneri, Gostivar
Dejan Ristevski, bukjarno an i Nacionalna Banka Makedonia
Pavle Kostovski, Gostivar, diplomco na Fakuletit Jurisdikciake an o Skopje