Minimalno si o šanse te delegitiriminel pe i statistikani operacia Hramovipa ako i internacionalno jekhin notirinel le sar validno
O Roma udžarena kaj si majhari 4 % , o Turklie majhari 7% o numero kobor si Albancia em Makedoncia si debata panda ko starti tari akaja operacia. O kolektivno niamia e etnikane jekhinenge athinela taro olengoro numero em normalno si sare te mangen te oven pobuter. O Turklie nane te ovel validno akaja operacia te sine telal 7 % . O Roma udžarena pali akaja statistikani operacia te sikaven kaj si 100.000 ki Makedonia jali 4% . O DIU nane te oovel validno ako o Albancia si telal 29% a i Alijansa e Albancongiri/Alternativa udžarela i operacia te sikavel kaj si 29% , E bugariakere političaria vakerena kaj 130.000 makedonsko dizutne si len bugarsko pasport, em odova aj te reflektirinel pe ki akaja statistikani numeracia.Premal o Ustavi o numero taro etnikane jekhina athinena em o kolektivno etnikane niamia, Prekal o principi tari jekh a jekh akcepcia o numero taro bukjaren thana ki themakiri administracia si prekal i etnikani struktura ki them, em te sine ki nesavi komuna buteder taro 20% odoja čhib si oficialno ki odoja komuna. Prekal o rezultatia tari i operacia Hramovipa ko 202 berš ki Makedonia isi upreder 2 milionia dizutne, kote 64% si Makedoncia, upreder 25% Albancia, paše 4% Truklie, upreder 2,6 % Roma, paše 1,8% Srblie, pohari taro 1% Bošnakia, 0,5% Valsia.
