Anglal o start tari majimortantno statistilani operacia ki them Hramovipa so si importantno e dizutnenge trubul te ovel bizi presuam kvalitetno, thaj čačutne informacie saste procesoske te implementirinel pe taj majbut te iven educirime soske o hramovipa si importantno.

Odoleske ko Paršatuj 3 septembro e ministerea baši Jurisdikcia o Bojan Maričićm vice ministeri Agim Nuhiu thaj themakoro sekretari  Muhamed Toči sine dikhiba kotor taro representoa taro NGO sektori Ko anav e NGO sektoreske taro Netvorko sistemsko thaj savakteskere faisalia sine reprezentirime taro Samet Skederi taro InSoK thaj o Zoran Dimov taro RDICM thaj Isa Emini taro HDZR Mesečina. Gostivar.

Ko anav taro Romalitiko sine o Elvis Šakjiri. Ko jekh ko mitingo sine thaj o aktielno deputati ko makedonikano parlamenti Ljatifa Šikovska thaj o Elvis Memete konsiliari ki inkluzia e Romenge ko Govermenti.

Taro reprezentoa akale mitingoske udžarel pe te den pore presie te vazdel pe i gind e dizutnenge thaj kobor si importsntno o Hramovipa em sukcesiale implementacia. Konkluzia akale mitigi liparde koordinacia sakone aktiviteteske lačhe starteske e hramvipaske.

Ko pire 64 berša mulo jekh taro fundavutne e romane politikake an i Makedonija o Dr Bajram Berat.
O Dr Bajram Berat sine avgo doktori Rom thaj avgo askereskoro doktori Rom,
Taro 1997 dži ko 1999 berš sne presidento ki avgo romani politikani partia PCER.
Taro 2006 berš sine presidento e politikane partiake Partia baši Integracia e Romenge - PIR. Sine membro ko Konsili e maškarnacionalno relacie ko Parlamenti e Makedoniakoro , Taro 2001 dži ko 2002 berš sine konsiliari e ministereske andrune bukjenge ki Republika Makedonia. Taro 2007 dži ko 2010 berš si učo policisko konsiliari ko fiso Saste arakhibaske ko Ministeriumi bašo andrune bukja ki Republika Makedonia. Ko 2010 berš anavkerdo si sar Vice nacionalno koordinatori simantrakere legaripaja ko Govermento e Republika Makedoniake . Sine jekh taro majbare em zorale oratoria thaj intelektualco.