Ki Kroacia taro 13 septemvri di ko 17 oktomvri ka ikerel i statistikani operacia Hramovipa taro manuša em khera. Ko jekh ka dikhel pe i čačutni faktičko situacia thaj te resen statistikane informacie kana kerel pe lafi e romane populaciake an i them

O romane aktivistia ki Kroacia akharen e Romen te vakeren pro identitetm nacionalitetu thaj olengiri dajakiri čhib notirime ko lil.

Ola vakeren kaj si but importantno ki akaja operacia te vakeren em o nacionaliteti kote čače preperibe resarinaja te ovel len realno informacia.

Ki akaja forma ka ovel klar forma e momentalno sitaciake kana kerel pe lafi bašo Roma ki Kroacia.

Ko jekh diferencijaja taro Kroacia akava berš akaja statistikani operacia  nane te ovvel ki Bosna thaj Hercegovina, a pučiba si šaj li ovel em ko 2023 ber kana nakhela o deš beršengoro periodi taro anglutne kerdi akaja statistikani operacia - hramovipa.

Odoleske ka udžaren pe frešk informacie e romane populaciake ki BiH. Ko akava momenti isi em statistikani operacia - Hramovipa em ki Republika Utarali Makedonia thaj ki Bugaria.

Link: https://www.portal-udar.net/u-hrvatskoj-krece-popis-stanovnistva-vazno-je-da-romi-kazu-svoj-jezik-i-nacionalnost/

Ko akala lokalno alusariba ko Šuto Orizari  ka ovel sar okoja seria  „Lud, zbunjen, normalan”. Ko si o dilino, ko si o bunimo a ko si o normalno odova ni jekh nadžanela.

O kandidatia baši funkcia dizjakoro šerutno trujal so nane panda oficiajlno pohari džanela pe. O Asan Ferat si definitivno kandidati taro SDSM. Logično si kaj sa o koaliciono partneria taro SDSM valjani te den piro suporto akale kandidateske. Numa nane agjaar! O džieratutno “puleni” taro SDSM thaj aktuelno dizjakoro šerutno ko Šuto Orizari o Kurto Duduš - Kuco odoleske so nane premal o “kjefi” taro SDSM rodingja aver alternativa.

Kandidirinel pe sar kandidati taro romano politikano bloko . Oleste kandidirinela i partia PCER taro Samka Ibraiomovski. O lobi taro Kuco ki Šutka si le em ov ka džač sar kandidat taro PCER! A o PCER si ki koalicia  e SDSM-ea? Numa andre ko PCER angje decizia te teloikeren e Kuco a na e Asan Ferat. Akava si faktikaj akale aktea 2iranel pe dumo “ bašo SDSM ama salde ki Šutka. Buma dali o PCER ka ovel e SDSM-ea avrial tari Šutka odova nadžanela pe.

Dujto “kaša popara” ikljol e kandidatea tari partia ROM o Tefik Mahmut. A i partia ROM si ki koalicia e partiake VMRO-DPMNE em logično si teastaren suprto taro VMRO-DPMNE e Tefikoske! Ama o VMRO sa odova demantirinela!

Trinto “kaša popara” si o kandidati Gege Demirovski. Oleste ka teloikerel o Šaban Saliu taro DSR. A o DSR si ki koalicia e VMRO-DPMNE-a

Akate o VMRO na vakergja si li jali na akale kandidaturake taro Gege

Odova sikavel kaj te sine akaja lista kandidatia ki Šutka ka oven but paradoksia. O SDSM thaj oleskere koaliciono partneria  ka oven jekh mujal aver kontra. Odova ka keren em p romane artneria so si ki koalicia e  VMRO-DPMNE.

A ko jekh del pe pučiba savo kandidati ka den suporto kotor tarp romano politikano bloko sar so si o partie taro Gabriel Bajram, Neždet Mustafa, Aksel Ahmedovski, Miljazim Sakipov. Kotor oledar si em e pozicijaja, a kotor e opozicijaja.

Jekh si siguritetno palo akala lokalno alusariba ka ovel but “hulavde nikjaia” maškar o SFSM thaj VMRO-DPMNE em kotor taro romano politikano bloko.

Tari akaja “politikani orgija” na džanel pe ko kaste, ko kasaja. Tipično baš sar ki seria  „Lud, zbunjen, normalan”

Em ma te bistrav.. a so ka ovel e listencar taro konsiliaria so šaj lokheste te oven dende 8 jali 9 šaj salde te prepoetaviba. Ki Šutka majsiguritetno o “kajmako” ka khedel sar so džana o bukja o albanikano politikan bloko.