Sar avena majpaše o lokalno alusariba sa pobuter si tati i atmosfera mašlar politiken partie sp ka kulminirinel em sar “infekcia” em ko dizutne so ka den piri vota. Startea akale nilaeske startujnena em o terensko aktivitetia em “bildiranje” e rejtingoske. Faktea kaj nane datum bašo EU em nane te ovel dži ko starti e lokalno lusaribaske so si notirime ki dujto jekvašmasekoskoro periodo taro oktomvri i opozicia ka kerel sa te astarel punktia ko akava fakti so ka notirinen le sar nasukcesi i pozicikoro, a i pozicia ka kerel programo prekal lokalno  progresi a ako i EU dela datumi tegani odova lenge ka avel sar “bonus” te kheden o vote taro dizutbe. Numa del pe em pučiba save profiloa ka oven o kandidatia baši pozicia dizjkoro šerutno em konsiliaria? So ka den? Save programe thaj solea ka sikaven pes te resen odoja vota taro dizutne?

Fakti si kaj akana ka počminen te džan ko sako sokako, drom, mahala ka oven sekirime lengere problemenge ka haveb olengoro pharipe em ka šunen lengere problemiaem ko jekh ka arakhen faisalia olengere problemenge  salde te den piri vota! A o dizutne korkoro džanena kaj asavke filmia “dikhle len” angleder da.

So legarela pe dži ko kandidatia so šaj udžarel pe olendar?

Jekh si sigurutetno kaj o partie ko desave thana ka den em purane anava ko desave saste neve thana so nane olen dži akanutne “kale fleke ki pli kariera” a ka ikljon em biathinale kandidatia. Maškar o kandidatia garant ka ovel em asavke biznismenia so nane te profitirinen tari funkcia “dizjakorošerutno” ama ka ovel da asavke kote i funkcia “Fizjakoro šerutno” ka dikhen la sar profitabilno buti bašo piro benefiti. A sare ka legaren pe tari i parola “Sae dizutnenge”

Ma te buistra akate em okolen so si taro lačheprofitabilno NGO organizacie so ka roden i vota taro dizutne ki preorientacia taro NGO sekrori ko politikakere panja salde devizaja prekal odoja parla ki fuzia prekal pire NGO jali koalcia e pobare partiencar te oven olengoro sateliti. A normalno i parola ka legarel pe salde ko interes e dizutnenge a na avereske.

Akana keren pe plania , proektia skice thaj naformalno mitingia a kana ka avek i agor e niaaeske ka keren jekh “JURIIIIŠŠŠ”

Odova sikavel kaj udžarel amen tato nilaj: O dizutne ka maren pe bašo krevetia ki plaža,  termini vakcinenge em te ikaven peske pasportia em aver dokumentacia a o politikane partie bašo dizjakorošerutno em konsiliareskere stolice ko alusaribaskoto tato palonilaj

Avena o lokalno alusariba. O partie si ko gotovs! Kerel pe teren em strategija sar em so te kerel pe e romane džianeske te del piri vota olenge!

Neko ka legarel politika taro patriotizmi meko ko lačhe investicie em ekomosko prosperiteti em “bistren o čorolipa”.  Ama sare k oven ko stili taro “ Ma khelen e romane votaja, osvestinen tumen em den tumari vota amenge”.

O pendžarde purane romane politikakere face prekal mediumia em FB sikavena kaj keren akana kontinurimo aktiviteto pire partiašencar apelirinen ko jekhipoa em patriotizmi, Ama kobor olengoro lafi si “pharo ko Roma”? Ola korkoro džanena so em kobor dži akana kergje e Romenge so beršencar napalal sine ko funkcuie em kobor sine “respektirime” olengoro lafi ko naromane politikakere lideria. Ola akana si faktori bizo efekti, Te chidingjem e Putka ki rig em o maripe bašo uče pozicie ki Šutka

So ka legarel taro jekkh ko aver agor ki retorika soske odoteh i ekipa tari jekh partiakiri kompania na khandena pe mašjar peste jekh jekhea o rezultai dđanel pe kaj ka oce katastrofalno,

O neve da face baši dizjakirišerutneskiri fotelja na keren nesavi bari pakjov ko Roma. O Roma si čale taro “čuče lafia” Ola mangena faktia a an čule lafia”A o kontrakandidatia ka falileln pe kaj ola te ale ka keren sa. Ola ka keren majbari kobtrakampanja mujal o rovalia lafencar te kaljaren olen pobuter taro stili “Ola sine ki pozicia em so kergje” Ništo!„ Na mangaja hohavne manušen so den lafi a ništo na kerena, Odoleske kazninen len em den tumari vota amenge. A o neve so dena, ništo Agjaar ka ovl e ave thanencar kaj so isi pobuter Roma. Ola sa akala berša sine ko margine taro dživdipe. Em Khanči nane kerdo lenge. Akana save lafia ka den e Romen taro Prilep, Bitola, Tetovo, Kočani, Štip, Strumica, Vinica, Delčevo.....Sar ka ikljon akana odola kandidatia bašo dizjakoro šerutno ko Gjorče palo odova ladžavutno duvar ko Dame Gruev.

Agjaar si em ki Gazi Baba, Karpoš..... Pakjana li kaj o Roma akana ka den piri vota bizi diferencua savo političari ka khuvel em ka avel angli lengiri avlin em kher. A o NVO  sektoro si paramis peske. Okola so dđana em maren pe ko pozicie ko lokalnoi ili nacionalno nivelo rekal pire “mentoria” taro avrial em ka sikaven pe sar “mesie” e Romane džianeske sar ka keren o bare problemia so isi ko infrastrukture ekonomiaam em sociala ko lokalno nivelo?

Donaciencar taro paketia jali aver? Seminarencar, trubine, konferencie em sezonsko kampanjencar?

Nane odova agjaar politikane sadžande, O problemi faisalkerel pe lungoberšengere startegijaj em plania taro ekonomsko, infrastrukturno em socijaleno buvlajripa Te sasljarel pe ekonomija em investicie ko lokalni buvljaripa a na investicie ko personalno kariere, Salde sistemsko em savakteskere faisalia o progresi ka ovel dikhlo, Salde agjaar šaj đžal pe angle.

Instant em tikbne em gudellafedende o rezultatia ka oven zero!

Vakti si te del pe godi jki pli nacuia a na pire džepake, Preteringjen la! Bizo fakti si li purane face jali “nesave neve čhave” o paramis palem ka ovel odoja!