E europakiri agencia bašo medikamentia (ЕМА)vakerel kaj duj doze tari vakcina so si mukhle tari EU si efikasno mujal i delta forma em del propozalo te kompletirinel pe i vakcinacia e majteleperavde kategoria persone so šaj majsiga te vakcirinen pe havljarel o žurnalisti tari MIA ko Brisel.

O doktor Marko Kavaleri tari EMA vakergja kaj i agencia džanel kaj i nevi mutacia e viruseskiri pendžarde sar delta but siga buvljola ki Europa em ko momenzti i vakcinacia si jekhutni forma te šaj arakhen pe taro akava nevo brani.

Ov rodela taro thema ki EU te dđan majodoriga e kontrolencar ki protektiva ko sastipe ekstra fokusea ko majphureder em majteleperavde kategorie dizutne te šaj čhinavel pe dopherdo buvljaripa e viruseske ko avutno periodi akale beršeske.

I EMA vakergja kaj o miks taro duj diferentno vakcine taro duj doze si efektivno em efikasno te šaj tiknjaren o riziko em protektiva mujal sa o forme taro Covid 19.

Taro 1 juli ki teritpria tari EU si ko takati e covid - sertifikati tari vakcinacia mujal korona virusi., slea kana dromarena ki Unia prekal o QR-codi ki digitalno forma ko android telefomia jali ki lilali forma sar dokumenti m sikavibaja dali o manuš so dromarela si vakcinirime e vakcinencar so su validno tari EU (BioHTec/Fiezer, Astra Zeneka, Moderna jali Jonson / Jonson), sine li Covid 19 jali si le negativ test tari korona.

O sertifikati si te na valjani te džal pe ko karantini jali aver testirina ko vakti taro dromaripa ko 27 thema tari EU em aver europakere thema. Numa o Brisel akharel sa o themen membria rte mukhen te khuven salde saste vakcinirime manuša avrial taro bloko jali okola so si len urgentno faktoria.