E muzikakiri kultura si sar profesia thaj talento akale naciake thaj si taro majpurane vaktia. I muzika olenge dikhel pe sar džanlipa thaj talento a na profesia. so sikljona.

Tradicionalno romane instrumentia si sa o forme taro zurle, dajre, davulia, tarabuke, instumentia khujbaske thaj phidibaske em instrumentia sar so si violina, viola, baso, gitara thaj aver.

Ko gilja majbut giljavel pe bašo mangipa, bibahtalipa, šužipa, , dar taro meripa thaj aver.

O ekspertia e romene muzikake si la presia kote so o Roma dživdinena sine an i lumia. Sine la presia upral orientalno muzika, tradicia, flamenko, jazz thaj ko jekh pendžarde si o kompozitoria kotar so len sine motivo thaj inspiracia e tradiciake tari romani muzika. Maškar olende sine o kompozitoria : Franc List, Žorž Bizet, Đuzepe Verdi, Rahmanjinov thaj avera.

O festivalo ka phravel pe ko 24 avgusti an o 20:30 kote i ungarsko grupa "Viktória Havay and Fakutya", so bašavel romani muzika kote ka oven olencar dens grupa.

Ko jekh avgo drom an o Beograd ka bašaven ko 25 avgusto taro 21:00 o Lelo Nika kote an i priri programa violinaja barabutne ka bašaven i Aleksandra Krčmar thaj o Bogdan Ranković, pendžarutno klarinetisto thaj fruladžia taro Novi Sad so ka bašaven purane romane , srpsko thaj romansko melodie thaj nekobor autorsko kompozicie.

Ko Parko Tašmajdan ko 26 avgusto taro 21 o časo ka bašavel o Nenad Vasiljević an o trio Marko Živadinović (harmonika) thaj Andrej Proror (saksi) so ko odova momenti ka del pe lenge o phursako " Askero Mališa Draškoci" so nekobor berša del o phursako World Music asociacia Srbia (WMAS).