I grupa „Gipsy Rhapsody Band", thavdipaja i tradicia e pendžarutne orkestareske "Romalen" an o 15 noemvri ikerela koncerti an o Kolaričevo centro ko Beograd startea taro 21 o časo.

"Gipsy Rhapsody Band" formirime si sar bendi so nevikergja o toni taro orkestar "Romalen" so egzistirinela an i estrada ko 60-to thaj 70-to berša ko 20 veko.

Sar šefia ko odova orkestar sine o membria tari familia Vasić o Danilo thaj o Boško em olengere čhave thaj aver Roma. O čhavo taro Danilo Vasić o Perica lungo vakti kerel sine aktiviteto e orkestareske numa akana anavea  "Gipsy Rhapsody Band".

O Sinan Sakić kerel zori te kurtalinel o kalo drobi te na trubul te džal an i transplatacia , sikavel o srspko Kurir. O giljavutno so si nasvalo tari encefalopatia e kale bukheske angažirime si pherdo ekspertia.

Ko momenti oleske akana legarel sevdža o paraktičari tari auhruveda Žarko Trišić, so vakerel ki savi froma ka kerel te kurtalinel o kalo bukhoi taro Sinan Sakić.

-E Sakičeskiri romni rodingja man bašo suporto. O korkoro tretmano si le resarin te šaj ma te kerel pe transplatacia. Ola pičle man šaj li te kerav odova, a me vakergjum kaj dava len 7 divesa pa ka dikha o rezultati. Našti dav garancia numa pakjava kaj šaj te kerav asavko medikamento oleske te šaj ma te keren transplatacia. Ka dža ko sig vakti . Trubul te ovel an i terapia 3 masekoa numa palo o avgo kurko ka džana dali ka ovel efekti - vakerl o Žarko.