Aso o akcentiriba e amerikansko magazineske"Gypsy Roma Traveller",e Elvis Prisli si le romane darhie. Oleskere parapapia sine Roma so dživdinen sine an i Germania. Ola ko starti taro 18 veko emigriringje an o USA. Ko jekh o magazini akcentirinela kote e dajakoro čhajorikano anav taro Elvis sine Smith, thaj sar so notirinela o magazini sine "but istemalkerdo anav maškar o britansko Roma".
Ko 21 septemvri akava berš ko Beograd ki Ginekološko akušersko hospitalo an o drom Višegradska bijandili i tikni Ema. I Ema si čhaj tari Ilda Šaulić a ko jekh thaj unuka e pendžarutne stradno artistoske o Šaban Šaulić.
- Bahtali sium so phergja pe mange i majbaro dživdipaskiri rolja a odova si dajakiri rolja. Pakjava kote ko dživdipa ka ovel man panda lačhe asavke momentia. " - vakergja i Ilda ko vakti kana ikljol sine taro hospitali. Ko hospitali pali olate ale olakoro rom o Bojan Vučković, i daj i Gordana thaj olakiri phen i Sanela sos saste vakti sine bahtale.
I Bajsa Arifovska si unikatno an i lumia tari tradicionalno makedonikani muzika. Oj bašavela majhari ko 15 instrumentia, komponirinela, thaj 11 berša si profesori an o DMBUC "Ilija Nikolvski Luj" kote e siklen educirinel sine nacionalno purane instrumentia. Akana kerel buti sar instrumentalisti thaj asistenti e orkestareske ko nacionalno asambli "Tanec".
Pobut taro 20 berša dromarela an i sasti lumia thaj buvljarel i storia e makedonsko tradicionalno muzikake , thaj okola so respektirinen olakiri buti anavkeren la sar "maestro". Dži akana sine lašel koncertia , kergja buti bare artistonencar, thaj si jekhto Romani so komponiringja muzika bašo baleti.
I japonsko verzija e Romane himnake “Gelem, gelem...” oficialno si registririmi ko septembro 2015 berš an i diz Tokio, Japonia. O teksti taro romani ki japonsko čhib irangja le o IRU delegati o Sumi Yusuke. O giljavutno o Taila siklilo romane gilja kana sine an i vizita jekhe komunake ani diz Kluz an i Romania. Ole sisi le potikni phen so giljavel leja sar vokali ki gitara. Akava si avgo versia tari romani himna giljavdi ki japonsko čhib.
|
Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека |
6-to Romano Čhavorikanoo muzikakoro festivali
„Čhavorikano Suno 2022“ – SP BTR
6-ти Ромски Детски музички фестивал
„Детски Сон 2022„ – СП БТР
6th Romani Children's Music Festival
"Children's Dream 2022" - SP BTR
Isi 158 misafirija so dikhena o ROMATIMES.NEWS
Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali
