Baši majšukar džuvljani rolja si phursakerdo Jovana Gavrilović , so angja i rolja tari jekh romani čhaj si bibahtali jazia , but dukhavde sikavela i diskriminacia jekhe saste marginalizirime etnikane grupake , thaj našela pe tari natrubul but patetika thaj morali.
I phursarkerdi prestava " Miro čhavo" o direktori taro Beogradsko dramako teatro Slobodan Čustić vakergja:
- Kerel pe lafi bašp akti so nane "pumpimo" thaj bizo prentezie te anel ki godi e publika. O akti si kerdo phravde , korektno thaj duhovito, kerel lafi e Romenge, olengere problemenge thaj pharipaske. Akava nane le nisavi konekcia e Srbiaja, jali aver themaja an i sasti lumia, numa si konekcia e sistemea so na šperceprinela akale manušen, vakerela o Čustić.
Aso o lafia taro direktori e Nacionalno teatareske an i Tuzla Armin Čatić o konkuretno kotor sukcesiale agorkergja thaj o žiri angja jekh votime decizia.
-But si importantno so akava festivali palem si reanimirime , thaj i Tuzla iranel pe ko okova so preperela sine lake , a odova si te ovel centari e teatarsko lumiake ko akava kotor tari utarpurabali Europa, a akaja kulturakiri institucia sako drom si phravdi sa e teatarenge an i sasti Europa, akcentirinela o Čatić.
