Kaste isi majbare šanse te ovel avutno dizjakoro šerutno an i komuna Šuto Orizari

I politikani kriza an i Makedonia panda si bizo agor. O planirime aktivitetia thaj lokalno alusariba akana si nesar an i "učharin" sebepi so panda nane formirio Govermento thaj Parlamento thaj alusar Presidento an o parlamento. Odoleske panda na džanel pe kana šaj te oven o lokalno alusariba.

Numa o partie na bešen tromale. O romano politikano bloko thaj i pozicia dizjakoro šerutno an i jekhutni romani komuna Šuto Orizari . I pozicia thaj i fotelja si interesno sakoneske, numa salde jekh šak legarel i viktoria. Startujngje o kalkulacie thaj e elektoratea. Ki sako forma startujngje agjaar vakerindo "kamljariba" e elektorateske, a akana majaktuelno si - khediba humanitarno akcie e socialno teleperavdi kategoria manuša, o majčorole an i komuna. Bukvalno savore "marena pe" ki savi forma te ovel majpaše e narodoa. 

Direktno jali indirektno involvirime si thaj o Roma an i diaspora. Neko si akalea , neko si okolea. neko si akalea. So legarel pe dži ko kandidatia akale finkciake dikhen pe o konture e manušengere so si potencialno kandidatia  dizjakere šerutneske. Siguritetno si kote o aktuelno dizjakoro šerutno an i komuna Š.Orizari Elvis Bajram ka rodel panda jekh mandato taro dizutne. Numa interesno si so aver da " ani opcia" si ko fokusi. Jekh olendar si o Gege Demirovski so kamel te ovel kandidati thaj na garavel pire ambicie phravde " phajararela" an i odoja pozicia. Dujto kandidati ssar nadefirime si o aktuelno deputato an o Parlamento thaj membro an o SDSM Kuco Duduš. Numa akate španda nadžanela dali o Kucot haj o SDSM ka keren viktimi depitateskiri funkcia foteljake an i komuna. Isi panda jekh kandidati so si figura si o terno Delon Sokol. Ov da pohari khuvel an i akcia akale funkciake.

Majinteresno si so isi desave kalkulacie o aktuelno ministeri bizo resoro an o Govermento thaj nekanutno dizjakoro šerutno an o Š.Orizari o Neždet Mustafa, so sikavela palem interesirinel akaja pozicia. Taro sa akava ikljola kote o trujal aktuelno dizjakoro šerutno Elvis Bajram thaj o Neždet Mustafa si dži akanutne koorelaciajaj taro VMRO DPMNE,sa o aver O Gege Demirovski , Kuco Duduš jali o Delon Sokol phravde si mujal i politikani opcia taro SDSM.

 Panda na džanel še dali aver kandidati taro romano nacionaliteto ka khuvel an i kandidatura sar partisko jali biathinalo kandidati. Aso dži akanutne percepcie i finkcia avgo manuš an i komuna si ataraktuvno faktea o ingerencie thaj o zoralipa an o lokalno nivelo.

Numa pakajala pe kaj ko sig vakti ka iskristalizirinel pe i situacia. Ko ka konetktirinel pe jali ka ikljol tari kandidatura. I politika si komplicirimi matematika.

 

Pin It
FaLang translation system by Faboba

I WANT TO SAY

Momentalno Online

       We have 120 visitors watching ROMATIMES.NEWS

Golden Wheel - Entry Application Form

o Vakti

 booked.net

Most Popular

Flag Counter

Our counter start count since 13.01.2019
Count unique visitors from which country visit our portal
In the bottom there is total visits our portal