Holame sebepi so si masekoncar bizo pani thaj akana kana si but tato, o dizutne taro Vizbegovo iklile an o protestoa thaj blokiringje o drom premal o Šuto Orizari.
O tatipa na sine barikada te del suporto thaj o Burhan Bekteđi so avilo an i invalidsko kolica.
Oleskere sastipaskere problemia si bare thaj sebepi nanipa pani džala te nangjol ki paše familia ko Aračinovo.
Ola vakerena kaj nane te pukjinen o pani soske nane len pani.
Aver dizutno vakerel kaj del but love taro piro budžeto soske kinena pani pijbaske.
Akava si dujto drom taro Vizbegovo te ikljon an o protestia thaj vakeren kaj o kurko so avela ka protestirinen thaj anglal o Govermento.
Youtube:
