O Tajson Fjuri vakerela kaj " si hazri te akahren le" te šaj del suporto e manušenge so si len problemia e mentalno sastipaja thaj o stavia taro Deonte Vajlder akale pučibaske si "naeducirime"
E Fjuri si le meči mujal o amerikanco Vilder an o 1 decembro titulake ki phari kategoria aso WBC verzia.
"Trujal o boksi me gindinav kaj akava si miri okupacia te šaj dav suporto aver manušenge so si len asavke problemia" vakergja o Fjuri bašo BBC Sport.
"Mangipaja te nakhave akava problemi te sikave kaj na sian kišli persona , na sian mazumi thaj bibahtalo thaj nasukcesialo.
"O manuša nane te asan tuke , odova si nasvalipa sar sako aver nasvalipa sar so si o kanceri, thaj avera nasvalipa" Akava si čačutno, problemo!
Ov dophergja "O mentalno sastipa thaj si jekh taro majbare problemia so si an i lumia. Odova nasvalipa mudarela pohari, thaj si sadromeskoro maripa korkoro pea.
"Kobor majbut kerel pe lafi akaleske odokhar ovel phravdo thaj šaj čhinavel i stigma e mentalno sastipaske.
"Te šaj akava nakhavav thaj dživdinava normalno bahtalo dživdipa, pakjava kaj savore o javer ka šaj te dživdinen agjaar"
Link: https://www.bbc.com/sport/boxing/46107708
