RASIZMO: Gazda tari jekh kafana margja duj romane čhaven so khuvgje leske ko objekti
I daj taro jekh o marde romane čhave vakerel kaj o gazda e kafanakoro khuvgja lakere čhave boksea thaj phaglja i gitara thaj i kemana.
Prekal o manuša so sine misafiria an i kafana ko odova momenti, vakeren kaj ale ko lokali, thaj olende ale duj tikne romane čhave so rodingje olendar te kinen lenge duj sokia. O misafiria rodingje tari konobarka te anel duj sokia e čhavenge, numa oj na manglja te anel lafencar, kaj o gazda e kafanakoro na mangel te služinel e Romen.