Taro dive ko dive sa pobut bajrol o numero taro kosovakere dizutne so džana peske taro ple khera. Trujal o Albancia an o thema taro Paščimali Europa ko agorutno periodi džana peske thaj baro numero Roma. Efta Romane familie tari Gračanica kele peske tari pli diz, havljarel i RTV Kim.

O Albancia thaj o Roma taro Kosovo so džana an i Europa dromaren prekal i Srbia. O avtobuzsia sako dive si pherde. Baro numero taro dizutne so ikljon tari pli them daravel thaj e tehmakere institucie an i Priština.

O dizutne tari Švedska si mujal o imigrantia so sako dive avena, thaj tharen o kampia thaj logoria bašo migrantia.

Pobaro numero bare jaga sine ko odola kampia, so si thanjarde o migrantia, jali kampia so keren pe baši olende.

Šaj te vakerel pe kaj nesavo but holjamo tharel akala kampia thaj objektia e emigrantenge so aven an i Švedska. Sa o bare jaga so ule si konektirime baš odole centarencar bašo migrantia.