Socijala

O deputati Ljatifa Šikovska dži ko Romalitiko thaj AVAJA: „ Ko tendiciono forma mangen te peraven mo rejtingo sar Deputati“ O Romalitiko em i Avaja iranena: „ Tu leja plata sar deputati“

Akala divesa ko sociolno netvorko aktuelno sine “diskusie” prekal FB ki relacia Ljatifa Šikovska , deputato ko Patlamentim sebepi jekh notacia ko FB taro Instituto rodaripaske em analiza e politikenge - Romalitiko em asociacia Avaja.
O deputati Šikovska reagiringja kaj o Romalitiko em I Avaja “E korkoro postea ki but tendecinonalno forma mangen te peraven o rejtingo sar Deputati. Pučava? Si li ko akava notiriba o Romalitiko em i Avaja kamen te len o simpatie ko Roma em te ikaven pe bašo piro nadžanlipa em pasiviteto.
A o fajkti si čhivdo ko avgo korot taro FB reakcia kote I Šikovska vakerela: “ Romalitiko em Avaja hari zakasningjen. O deiba amandamni valjani sine te den dži ki mande porano barem dži ko Paraštuj 20.11.2020 berš te đaj te dav le ko Parlamento. Čače revoltirime em holjame kerav REAKCIA sebepi tumaro hramosariba ko Facebook, kote hramosaren em akharen mandar te dav o Amandamno e Budžetoske tari Republika North Makedonia bašo 2021”
Ki akaja reakcia tari Šikovska na ačhile “borčlie” ni o Romalitiko em I Avaja kote vakeren: “ Te manglja neko te kerel sine tuke diskreditacia I Avaja ka ikljol sine direktno kaj tumen tiknjargjen o budežeto e Romenge em na dengjen amandmani . A akana ked vakere amare kolegonge kaj si analfabetia em pasivno me šučava tumen soske tumen na reagiringjen ko vakti em savo si o rezultati?”
O aver da komentaroa sine hulavde. Javer vakeren kaj nane savala nekaske te del amandmania kana o deputati isi le plata taro 1.000 euram a aver te kerel analize e budežtoske em rebalans.
O aver komentaro sine: „ E formalno em naformalno grupenge kergje reakcia jali na kergje si jekh a jekh soske ola odova ka notirinenle sar lengoro aktiviteto. Dendo amandmano. E akana dendo ko vakti jali nan nane but importantno soske ola phergje piro aktiviteto.
Jekh si fakti kaj asavek „paralelno phajrariba“ nane lačheste ni jekhe rigake, O Budžeti bapi implementacia e Romane strategiake bašo 2021 berš čače si tikjnarde bašo 26%. Si li kerdi kasno reakcia jali na , kolateralno zijani si o Roma. Vakti si te khelel pe ki karta „unime“, ko than „hulavde“.

O romane da džuvlja vakeren: STOP E TERORESKE!

I kampnaja 16 divesa aktivizmo mujal o terori upral i džuvli, počmingja ko 25 Novembro sar Internacionalno dive ko maripa mujal o terori upral i džuvli em ka ovel dži ko 10 Decembro kana notirinel pe o Internacionalno dive e manušikane niamenge.
O terori si ekstra notirime maškar i populacia em ko thana kote si socialno teleperavdi kategoria maškar so sine em i Romani jekhin.
O Romane džuvlja pobuter sine familiarno terorizirime , soske si diskriminirime , naeducirime, bizi buti em ekonomski čorole.
Ko 2020 berš sine turbulentno sebepi i Pandemija COVID 19 . Sebepi o tranpe tari socijalno em sastipaskiri distanca kergja bare problemia ki Romani džuvli . Paralelno e Kampanjaja em socialno em sastipaskiri protektiva #AčhovKhere, kote o kher sine jekhutni opcia sar siguritetno than iklile neve problemia. O Romane džuvlja akale izolacijaja em fizičko distancaja sine em majbaro riziko taro familiarno terori.
O terori upral i Romani džuvli ko sa o thema ki lumia so si em khere em ko škole, ko droma, socialno netvorko em averte.
O terori upral o džuvlja si em kana e džuvlja na mukheja te lel than ko sa o aspektoa taro sasoitno dživdipa sar so si – politika, kultura, socijala, ekonomia em aver.

O roma tari niško mahala 12 fevruari pučena:“ Dži kana ka ovel asavki situacia e elektrikaja?“

I niško romani mahala Bulevar 12 Fevruari kote isi paše 100 Roma kote olendar 40 si čhave em jekvaš olendar džana em ki škola. Ki odoja mahala isi em deš phure manuša. O prosel so lena socialno akala 23 familie si paše taro 80 eura dži ko 150 eura.

Ola ake paše 2 masekoa bešena khere bizi struja . Dži kana ola salde duj droma resle humanitarno paketia kote jekh sine hajbaja, a o aver higiensko artikloa taro Lolo Kriso em i organizacia HELP. Ola akala divesa dengje aplikacia te šaj lena jekhdrom lovengoro suporto te šaj kinena hajbaske, soske o hakbe so sine len ko frižideria akana si sa rumime em frdingje le.

O problemi počmingja ko starti taro 2020 berš lana ko maškar taro jevend ačhile bizi struja 60 divesa, ama bahtake taro desave lende aktivitetoa taro Civilno sektori em aver organiyacie akava problemi nakhavgje ole,

O borči strujake pukjinel pe sine ama na taro savore. Sine palem čhinavdi i struja em bibahtake bizo te den len desavi vaktavin em opcia sar te faisalkerel pe.

O borči si but baro, m akana nadžanel pe dali šaj em sar šaj te faisalkerel pe akava problemi, soske o Roma angleder da so koergje o Kontrakto ko mart 2020 na respektirinen le sine em na ikergje pe dži ko kerdo Kontrakto. Akana nadžanena sar ka faisalkerel pe palem akava problemi. A o jevend si anglal o udara.

I vakcina mujal o Covid ki Makedonia ka resel ko avgo masekoa taro 2021 berš, em ka vakcinirinen pe majanglal 20% taro dizutne

Trin vaccine si ki faza taro aniba propozalo em udžarel pe o proceso te agorkerel dži ko agora kale beršeske. I them lelja 400.000 vakcine jali 800.000 doze. I vakcinacia ka počminel ko avgo trin masekoa taro o berš so avela.
O dejbe propozalo taro desave vaccine mujal o Kovid 19 so nakhavgja em I trinto kliničko faza tari kontrola udžarel pe dži ko agora kale beršesle, a I Makedonia ka lel vaccine kote 20% taro dizutne ki Makedonia ka resen akaja vakcina sar so si o procento em ko averа thema ko regioni.
Kerel pe lafi bašo 400.000 vakcine jali duplo numero doze 800.000, soske jekh manuš ka resel te lel duj doze tari akaja vakcina. O vaccine si lende prekal o Kovajs mehanizmo bašo globalno em jekh a jekh akcepcia dži ko suguritetno em efektivno vakcinacia.
„I avgo vakcina so ka ovel propozalimi ko marketia ka ovel jekh a jekh distribuirime maškar sa o thema so apliciringje prekal Kovaks mehanizmo. Ko odova momenti kana ka resel I vakcina o majbarvale them aka ovel odoja vakcina em amende. Sasto termini panda na džanela pe numa udžarel pe odova te ovel džii ko agoro e beršesle taro masek dekemvri jali januari” vakeren taro Ministeriumi sastipaske.

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 174 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date