Socijala

O akteri Dragan Maksimović – Maksa, angleder 20 berša sine mudardo salde odoleske so ličinel sine ko Rom

Angleder 20 berša ki rakj maškar 17 thaj 18 novembro 2000 berš , dži ko meripa sine mudardo o velikano taro jugoslovensko em srpsko akterstvo - Dragan Maksimović – Maksa. Ov taro resle ratvarina mulo palo 79 divesa ko 4 fevruari 2001 berš.
Mudargje le skinhedsia tifozia taro jekh fudbalsko klubi soske mislingje kaj si Rom. Ko sasto odova incidenti em akti ajava baro akteri em panda pobaro manuš na manglja te vazdel kriseskoro akti tmujal sar so vakerel ov „amare čhave“sar so ov anavkerel len sine ko vakti kana sine meribaja jekh.
Okola so kergje akava bibahtalo akti nikana na sine ikavde anglal o krisi.
Ov mukhlja romnja em efta beršengere čhija . Pakajala pe kaj neko ko 4 fevrurari 2021 berš ka del pe godi ka organizirinel desavo akti ka del pe godi ko akava baro manuš em sa aver viktimia asavke aktenge. Dragan – jertisar so ni jekh na dengja pe tuke godi dži akana

19 Novembro – Internacionalno dive e muršengoro

Internacionalno dive e muršengoro (IDM)si beršenskoro aktiviteto so kerel pe ko 19 Novembro.
I notacia akale Internacionalno dive e muršengoro si zojrakerde ko “Šov fundamentoa ko Internacionalno dive e muršengoro. Odoleske si sebepi so kerel pea kava dive taro terne em phure murša so keren aktiviteto e naciake, sasoitnipaske, familiake, prandin em sevdža upral o čhave . Buvelste akava akti sit e kerel pe promocia ko humanitarno targetoa.
Inauguririmo si ko 1992 berš ko 7 fevruari taro Tomas Oster , a o proekto Internacionalno dive e muršengoro sine dendo sar idea angleder ko 8 fevruari 199 berš. O proekto sine incirime palem ko 1999 ko Trinidad thaj Tobago. Majlungo o utsavalkeriba isi ki Malta so ovel taro 7 fevrurari. Akanaske sebepi I Malta sine jekhutni them so ikergja o fevruarsko datumi ki notacia o Internacionalno dive e muršengoro ko sasoitnipa.
O Malteško komiteto AMR ko 2009 berš dengja vopta I data taro IMD te ovel ko 19 novembro.
O Omerom Tilusking so reanimiringja kava dive alusargja o 10 novembro sar dive kana sine biando dive olskere dadeske em utsavalkeriba o dive kana ki odoja data ko 1989 berš o fudbalsko timi taro Trinidad thaj Tobago kergja unia e themake te šaj keren plasmano ko World fudbalsko šampionati . Ov promoviringja o Internacionalno dive e muršengoro na salde sar dive muršane poleske numa em dive so šaj faisalkerel sa o problemia so isi e terne muršen em muršen. Ov vakergja kaj o aktivitetoa taro IDM em olakere darhie “Ola keren rodovo egaliteto, te chiden I negativno percepcia em I stigma so si konektirime e muršencar ko akava sasoitnipa”.

Miro dikhipa: Unime ko diferencie: O Nacionalizmi si divo len – sig thaj nakontrolirimi!

O nacionalizmo si fenomeni ko globalno nivelo. Odova šaj te definirinel pe sar kolektivno than indicidualno paranoja. O nacionalizmo šaj prepenndžarel pe lokheste soske o nacionalistikano ego si ko but ulo nivelo thaj na anel khanči lačhe bukja ko avutnipa.
Ko jekh trubul te ova ki gind kaj o nacionalizmi thaj natolerancia si sar divo len. Odoja divo len si sig thaj nakontrolirimi . Kana olate ka džan avrutne faktoria (ilustrativno notirime si kaj i divo len kana thavdel trujal ple droma olate khuven majtikne lenjora) tegani isi riziko kaj šaj odoja len te kerel bare panja em poplave katastrofalno konsekvencar.
Agjaar si em e nacionalizmoa em i natolerancia. Ki konekcia kaj kama te ova ko EU valjani hari te tromara ko desave bukja ki konekcia e nacionalizmoa em fakti si kaj odova našti kera amen korkoro akana ko momenti sar so tergjona o bukja.
Odoleske trubul te akceptirina o šartia so si konkluzna bašo khujbe , so te vakera kaj nane te oven lokheste, sa dži kote na trampina amaro tabijati te ikava odova kote ka šaj te kerel akaja generacia em ma te ovel problemi e generacienge so avena.
Trubul majanglal te chida amendar korkoro . Dži kote siam hazri te promenina amen korkoro sa aver ka funkcionirinel sar so trebela. Avere lafencar vakerdo valjani zori em trampa dži kote manga te nakhava o nacionalizmo em i natolerancia. Aver vakerde si te ova unime ko diferencie.

Gelzenkirhen: Duj Romane čhija našavdile ko Gelzenkirhen pobut taro jekh kurko

Duj Romane čhija našavde si em nadžanel pe kaj si. Ola si taro Gelzenkirhen em nane len pobuter taro jekh kurko. O duj romane čhija si taro Gelezenkirhen em Gladbek. E lhija anavea Zejnepa si la 12 berša a olakiri paše familia I Lindita isi la 17 berša. Premal olengere dada , o duj čhija agorutno drom sine dikhle ko dujtodi ko 10 Novembro. Jekh taro dada vakerel kaj o čhija iklile taro kher paše ko 14 o časo te džan khanči te kinen. Taro odova momento niko pobut na dikhlja olen ni šungja olen. I familia notiringja em dži ki policia , ama panda nane khanči informacie taro o čhija.
Bibahtakle ko socialno netvorkia (FB em aver hulavde si montirime fotografie taro akala duj čhija. Numa bibahtake nane baro hairi ni akalestar ko olengoro rodaripa. , I familia molisarel ma te hulaven pe akala slike ko FB soske odothe ko slike si but potikne em našti ka šaj te prependžđaren olen.
So legaren sine o čhija ko odova momenti šaj arakhen akate - https://www.waz.de/staedte/gelsenkirchen/gelsenkirchen-12-jaehriges-maedchen-wird-seit-tagen-vermisst-id230904690.html
Te havgjen khanči e čhijaenge kontaktirinen e policia
0209 365-8212
0209 365-8240
0800 2361111

Link: https://ran.eu.com/zwei-roma-madchen-seit-einer-woche-in-gelsenkirchen-spurlos-verschwunden/?fbclid=IwAR02XDC264_uF4Z-ImNkccZnjCOfFeRozVtYoGTf76v4R4bDebmu-fJfHN4

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 174 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date