Socijala

Reakcia: O Direktori e Sastipaskere ofisoske ko Delčevo – Dr. Marija Gligorovska majtele em majnaprfesionalno kergja segregacia e Romane jekhina ko Delčevo

I Asociacia Pravnikia Roma – ZPR Skopje thaj ADDR Sonce – Tetovo, majzoraleste kerena reakcia bašo majteluno telepravipa o niamia e pacienteske –dizutno ki Komuna Delčevo thaj phravdi stigmatizacia em vazdiba o nivelo tari natolerancia mujal I Romani jekhin ki diz Delčevo tari rog e Sastipaskere ofisoske “Goce Delčev” ko Delčevo e, oleskoro kanonikano represent – o Direktori D-R Marija Gligorovska. I direktorka taro JZU sastipaskoro ofiso “Goce Delčev” – Delčevo I rajona Marija Gligorovska ko 12.08.2020 berš dengja vakerin e internet portaloske „delcevo365mk” , sebepi o avgo persona nasvalo tari Korona virus Kovid 19 ko Delčevo. Ki pli vakerin I direktorka klar akcentiringja kaj kerel pe lafi bašpi persona tari Romani etnikani jekhin em kaj si pobuter persone  so sine olaja ko kontakt  emo j ilustririnela odova sar : „Olengiri psihoza si hari javer čhane kana jekh olendar ka ovel nasvalo, savore si odothe barabutne ko jekh than” Esapinel pe kaj jekh asavki notacia tari direktorka si namukhli , naetičko em naprofesionalno soske odova aludirinela ki segregacia, stereotipizacia , e romen jekhinake ki kupa saste. Istemalkeriba I terminologia “psihoza” (taro medicinsko profesionalco)  sar karakjterisitika e Romene jekhinake kerel direktno stigmatizacia odole jekhinake em karakterizoromela la sar dizutne so si len nasvalipa kote na keren limiti em diferencia taro realno em narealno jali imaginarno. Sako fizičko jali pravno persona so čpire aktea kerel teleperaviba taro identiteti jekhe manušeske jali jekhinake em na kerel protektiva tari personalno informacie šaj te kerel pe sankcie aso o kanoni vakerel pe ko kotor tari vaktavin tari rig e Asociacia Pravnikia Roma – ZPR Skopje thaj ADDR Sonce – Tetovo

 

Selma Selman: O manuša majodoriga na džanenea kaj amen o Roma akate siem upreder 600 berša

Oj notirinela lak savo te ovel dendo propozalo ki sako forma te del pe suporto e romane jekhinake , na trubul te avel tari priviligirimi naromano jekhin. Odova trubul te ovel saste kontra thaj odova propozalo trubul te avel taro korkoro roma em i romani jekhin a na taro nekaste avereste so ka vakerel: E odova si majšukar e Romenge! I Selma si pendžartuni arti preformanseri em oj si akala dive akhardi te lel than ki manifestacia Kuma International em WARM Academy  so si šov divesa ko Saraevo – BiH em akava berš si liparde e arteske em e naraciake ko vakti tari kriza. Ko jekh i Selma si jekh taro panel diskutantia ko pervazia e Saraevsko filmsko fetsivali . Oj notirinel kaj e Romenge trubul te del pe šansa em buti em nane čače kaj o Roma si nabukjarne. Olen nane salde šansa- „ O manuša majodoriga nadžanena kaj amen o Roma akate siem pobuter taro 600 berša em na avilem erati. I them panda na kergja pe bukja pire naciajaj a na e minjoritetencar soj ki late , a šaj te dikhen em sar si amanege e Romenge akate“ vakerel i Selma.

 

Link: http://www.portal-udar.net/selma-selman-ljudi-i-dalje-nisu-svjesni-da-romi-ovdje-zive-6-vijekova/

Pendžarutni si i moldi e rusko vakcinake mujal korona virusi

I Rusia si avgo them ki lumia so registriringja vakcina mujal I korona. I moldi e rusko vakcinake ko inetrancionalno biznis marekti ka ovel majhari 10 dolaria bašo duj dose vakergja o president o ofisoske tari I kompania so kerel I vakcina, R-Pharm, Aleksej Repik. “Premal amare informacie I moldi ka ovel majhari 10 dolaria ko duj dose , so si bašo eksporti” vakergja ov e TV kanaleske  Russia-24, em akcentiringja kaj o avgo serie tari akaja vakcina majpakjavutne ka oven kuč. I vakcina ka ovel majeftino kana olakoro artikliriba ka resel majbaro industriakoro nivelo, vakerel o repik. E rusiakiri vakcina legarel anav Sputnjik V.

Ko Muzei e Makedoniakoro ikergja pe Komemoracia sebepi o meripa taro profesori Dr Trajko Petrovski

Sebepi o meripa taro pendžardo etnologo em profesori Dr Trajko Petrovski  ko Muzeo e Makedoniakoro ko 12 avgusti ko 12 o časo ikergja pe Komemoracia.

Odothe sar so sine akcentirime taro o manuša so ale kaj ki Komemoracia na sine but manuša . Odova sine notirime tari rig kaj o Roma na džanen te moldinen o baripa akale manušengere. Agjaar sine em e rajoja Abdi Faik, o Šaip Jusuf, i Esma Redžepova Teodosievska em akana e profesorea Dr Trajko Petrovski. Bašo o aktia so kergja o Trajko Petrovski lafikergja o magistranto Daniel Petrovski. Ov anglal o misafiria vakergja kaj but si kuč em barvalipe odova so kergja o Trajko Petrovski sar so si o aktia ki etnologia, tradicia, historia, kultura em čhib.

Sar so vakergja o Daniel Petrovski odola aktia si but barvale so i Romani jekhin valjani te arakhen olem em te keren majodirga buti ko odova. O Trajko Petrovski mukhlja pali peste panda na editirime aktia so ko sig vakti ka oven editirime a odola si siljojbaskere lila romane čhavenge so dđana ki fudavutni škola taro trinto dži ko pandžto klasi. O Trajko Petrovski mulo ko 6 avgusti ko Beograd, R.Srbia.

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 557 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date