Socijala

Ko 27 avgust ka ikerel pe o 15-to „Roma Truba fest“

Prekal o havljarina taro o organizatori akaleske tradicionalno festivali „Roma Truba fest“ o Samet Salievski ka ikerel pe ko 27 avgusti startea taro 19 o časo.

Sar sako berš akava da oleskiri lokacia si o Ploštadi ko Kumanovo. Trujal so ka len than terne talentirime pleh orkestaria isi havljarina kaj odojarakj ka oven em buteder specijalno misafiria.

Aso dži akanutne havljarina odoja rakj sar specialno misafiria than ka len em o Orkestar Kočani, O orekstar taro Uska Kan Kanturov, Orkestari tari Kemi Asanov, Nukiš Bend, em o pendžđardo em megapopularno orkestar taro Džambo Agušev.

I Germania kamel te lačharel I situacia taro Sinti em o Roma ki EU

O kavkti sar preisidumo ko Konsilo taro EU I Germania kamel te kerel aktiviteto te lačharel I situacia taro Sinti thaj Roma ki Europa so si akana but nasigurno ko buteder thana.

“E Grmaniake akava si centralno tema ki agenda kana ka ovel prediento ko Konsilo” vakergka o europakoro ministeri avrutne bukjenge  o Majkl Rot  (SPD), e urnalistikane agenciake AFP.

O Rot si bibahtalo so o Sinti thaj o Roma “majodoriga chidena tari inkluzia, diskriminaciaq em natolerancia” Ko palonilaj e germaniakoro presidiumo e Konsilea barabutne e Komisiaja ka prezentirinel I nevi strategia so lačharel I integracia ko minjoritetia.

Kana  kerel aktiviteto e minjoritetoa so gejnela 6 milionia ki Europa prekal personalno moldipa o Rot notirinela ko intervju bapi AFP.

“ O kredibiliteto e Europakere Unijaja ka kerel pe paralela sar kerel buti e minjoritetencar “Odoleske ačhola akti “lakmus testi amare jekhinake ko kanonia em moldipa” I avgo strategia si kerdi angleder 10 berša.

 

Link: https://www.stol.it/artikel/politik/deutschland-will-lage-von-sinti-und-roma-in-eu-verbessern?fbclid=IwAR3QUKDz6D6hlTjUr60fYbZztR_QtT3DmX7Fdeqlpndt4w6Sye-RKeSA2JY

O dživdipa e Romengoro ko gav: Nasiguriteto, phari buti thaj pherdo pakhiv

O Nihad Fafuvolić si jekh taro buteder manuša so dživdinela e4m o dživdipa lel pe sar egzamplo em islustracia sar dživdinen o Roma – te dživdinen dive bašo dive.

O Nihad si dat taro deš čhavo. Ov dživdinel ko gav Gornji Paparatovci  trujal Kakanj ki Bosna. Numa salde piro bukjatar kote buti keren sasti familia tari majtikni Ajdina so si la 6 berš dži ko dat o Nihad, sare si angažirime te šaj te ovel len salde – hajbaske.

–Kerav akaja gavutnikani buti. Nikana na kergjum buti ki firma. Sium sine registririme ki Agencia bukjake da numa odothar vakeren mange sine “Adžiker ka roda tut” – vakerel o Nihad. Koa kava gav ola si jekh taro duj romane familie so dživdinen odothe. O Nihad thaj I familia dživdinen ko kher so ačhilo lenge taro oleskoro papu so kerel le sine panda ko 90-to berša em panda nane dokerdo.

-Me kerav buti grastea ko primitivno forma. E manušem si len traktoria, makine a me sa odova kerav buti grastea. Po desavo drom o gavutne akharen man e grastea te randav lenge rupe te šaj sadinen o kompiri em odova da kerev buti.

O Nihad sine em ko phanlipa 6 masekoa ki Busovača sebepi so nalegalno čhinel sine kašta, a kergja le te šaj te parvarel pe familia.

I daj em olakere tikne čhave kana gelo ko phanlipa ačhile bizo hraniteli, a o tikne love so lel sine e čhavenge na resel len sine te han. O Nihad o hajbe so lela sine ko phanlipa garavel le sine em vikendoske kana mukhen le sine khere anela sine te šaj odova hajbe hana oleskere čhave.

 

Link: http://www.portal-udar.net/zivot-roma-na-selu-neizvjesnost-ocekivanja-tezak-rad-i-puno-nade/

Mulo o Prof.Dr. Trajko Petrovski, baro Romano etnologo

Ko 6 avgusti akava bersh palo tikno em pharo nasvalipa ko plo 68 bersh taro djivdipa mulo o Prof.Dr. Trajko Petrovski.

O Trajko Petrovski si biamo ko 18 maj 1952 bersh. Doktoriringja ko 1997 bersh ki katedra basi etnologia ko Univerziteto ko Zagreb. Prekal piro naucno rodaripa mukhlja hor impresia ki romani antropologia, folkloristika, historia em chib e Romengiri sar avgo nauchniko ko Instituto basho Folkloro “Marko Cepenkov” ko Skopje. Ki historia ka achol sar avgo doktori basho nauka tari romani populacia em oleskere kerde aktia sar importantno historikane drabara. Kana ki Makedonia i romani chib sine ko startno pozicia o Petrovski hramosargja o avgo romano makedonikano em makedonikano romano alavazi ko 1998 bersh. Autori si em e Romane gramatikake so si editirime tari asociacia Romano Ilo. Ko jekh oleskere hramosaribaskere aktencar akana sikljona o Romane sikle ki fundavutni edukacia. Autori si e lilenge prekal predmetia Chib em kultura e Romenge basho trinto, shtarto em pandzto klasi. Taru anuchno rodaripaskoro aktiviteto sar leskere aktia si klaendarsko adetia ko Roma em o etnikane karakteristike  taro Roma ki Makedonia. Ko 2017 bersh editiringja I Historia e Romengiri ki Makedonia em Balkan. Ko jekh o Trajko Petrovski sine em kotor tari Internacionalno Romani Unia - IRU kote dengja piro baro aktiviteto prekal I Komnisia bashi chib, kultura em sine le piri Prezentacia ko vakti taro ikeriba Naucno simpoziumi organizirime taro IRU ko umalja tari kultura, chib em taro Romano Holokausto. Ov pire naucno aktivitetoa em analize mukhlja hor impresie em dokumentoa basho majodorigutno keriba rodaripa em analize.

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 143 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date