Socijala

O Centralno Konsilo taro germaniakere Sinti thaj Roma bibahtale sar mulo o Piter Holenrajner

Ko mismeri ko 28 juli 2020 berš mulo o Peter Holenrajner so sine paše konektirime e aktivitetoa taro Centralno Konsilo e Germansko Sinti thaj Roma em o Centro baši dokumentacia kungi berša, I Peter Holemrajner ačhilo dživdo ko konc logoro Aušvic Birkenau sar čhavoro. Ko agorutne berša ov intenzivno dikhel sine pli personalno historia leskiri em pe familiakiri. Sar dživdo taro vakti e Holokaustoske lelja than ko buteder ceremonialia taro Centralno Konsilo em dokumentirinel sine I historia taro Genocid upral o Sinti thaj Roma sar svedoko.

O Piuter Holenrajner biame si ko Minhen ko 17 mart 1939 berš. Ko mart 1943 berš ov thaj oleskiri familia sine deportirime ko konc logoro Aušvic Birkenau kote reslja jekh dive anglal oleskoro 4-to biando dive em sine registririme ko agjaar notirimo “Romano kampo” telal o numero 3531. Ko 1944 berš o Piter Helenrajner sine deportirime taro Aušvic Birkenau ko Ravensburg  a odothar ko Mauthausen ko mart 1945 berš.

O numero so sine tetovirime ko vast ko Aušvic chidingja le o Piter Holenrajner, palo o maripa, te šak palo odova palem te tetovirinel ole nekobor berša palo odova sar protest mujal kontinuirimi diskriminacia primal o Sinti thaj o Roma ki postmaribaskiri Germania, na salde taro agjaar anavkerdo “Centro mobilno phuvjenge”  em taro ofiso e kriminalno policiake ki Bavaria.

 

Link: https://zentralrat.sintiundroma.de/zentralrat-deutscher-sinti-und-roma-trauert-um-peter-hoellenreiner/

Slovakia : Policajcoa kergje atako ki romani familia ko olengoro apartmano sebepi sar so vakeren mukhlo muzika prekal olengoro DVD

Ko dujtodi paše ko 23 o časo ko than Dobšini – Slovakia duj policajcoa khuvgje ko socialno apartmani jekhe Romeske vulgarnio čhingaraja, akošipaja em fizičko maltretiribaja ko membro e familiake Kotlar. Ola angleder alw paše ko 21 o saati vakergje te čhinaven i muzika taro olengoro DVD so akala ko momenti čhinavgje. Numa ola na sine odolestar čale em avile palem fizički em verbalno kergje atako e Jaroslav Kotlareske.

Javinate o Jaroslav gelo ko policiakoro stasioni te lel piro DVD numa o policajco vakergja kaj te manglja te lel piro DVD trubul te del 30 eura. O Jaroslav vakergja kaj nadžanel soske trubul te pukjinel 30 eura bašo piro DVD so sine lendo olestar. Premal Press TV akava nane avgo drom te keren o lokalno policajcoa ko khera e Romenge em te maltretirinen le O Kotlar na dengja notacia akale akteskenuma o Press TV akale akteske ka dikhel e, ka kerel opservacia savi decizia ka ovel andi.

 

Link: https://presstv.sk/krimi/video-mestska-policia-vtrhla-do-bytu-k-romom-to-co-im-urobili-vam-vyrazi-dych/

You tube: https://www.youtube.com/watch?time_continue=2&v=A05cdVzKlho

Kurban Bajram

O Kurban Bajram (ar. عيد الأضحى Eid ul-Adha)— si baro islamsko barodive em si 4 divesa (10-13 zulhidžet, jali o 12 masek primal arapsko kalendari) em si notirime sar barodive taro kurbani soske tegani čhinel pe kurbani majbut bare bakhre hem hulavel pe e majčorolenge.

Ko avsi dive e Kurban Bajrameske kerel pe o Bajram namazi kote so o muslimania roden lokharipa taro Allah. Karakteristika akale diveseske si so o kurbani si le simbolika te pašakjerel pe ko Allah. O Krdbani čhinen okola so si len šajdipa odoleske. Okola so čhingje kurbani hulaven o mas e majćorolenge  familia thaj komšie. Aakava dive si sar kruna e adžilukoske e adžienge so gele ki Meka. O Kurban Bajrami sako drom perel pe ko jekh dive primal o islamsko kalendari , a primal o gregoriansko I data si diferentno taro berš ko berš soske o islamsko kalendari si lunarno a o gregoriansko si khameskoro. O lunarno kalendari si paše 11 divesa potikno taro khameskoro kalendari. Sako berš o Kurban Bajram (em o aver islamsko baredivesa) ko jekh dali duj diferentno gregoriansko datumia ko diferentno thana ki lumia. Ko akava 2020 berš o Kurban Bajram si ko 31 juli primal o Gregoriansko kalendari a primal o Hidžretsko si 1441 berš.

Sako familia majbut hardžinel love ko hajbe em komunalie

O informacie so dengja len e Themakoro ofiso statistikake ki publikacia “North Makedonia prekal o numeroa” sikavena akj ko 2019 berš o dizutne pe love hardžinge ko hajbe naalkaholno pijbaskere artikloa  (43.1) em komunalie (10.8). Nane pohari ni o harči taro kreditoa em investicia ko khera. (8.0) Paše šov procentoa taro sa o love si ko transport , pandž ko šea em štar procentoa ko mebel a ko jekh 4 % em ko restorantia em hotelia. Majhari love o dizutne hardžinen ki edukacia em kulturakere aktivitetoa. Bajraripa o harči isi ko alkoholno pijba, cigare, hajbe em naalkoholna pijba, a tikjnaripa ko harči isi ko šea, kondure, transport em kherutnipa.

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 202 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date