Socijala

Čehia: Bukjarni ki libroteka reslja paldiba tari buti sebepi diskriminacia upral i Romni

O lanco libroteke „Kanzelsberger„ ki Češka mukhlja tari buti ple bukjarna soske ko Twitter rasno diskriminiringja jekhe ple romane koleška kote palo odova sine javer da rasistikane komentaria.

Persi kurko i Daniel Hile tari organizacia „Луѓе во потреба“Ljudi u potrebi” hulavgja akala postia pučibaja si li i libroteka tolerancia ko akava legariba.

Tari libroteka dengje džovapi kaj o rajo Kancelsberger kaj asavko maniri tari oleskiri bukjarni si but bilačho em nane te kerel pobut buti ki olende.

U džuvli kaskoro Twitter prosili sine telal o anav „Tereza Bart“ editiringja kaj „jekh phiriba em relaksacia ko kvarto Cejl ko Brno si but majlačhi taro odova te sikavel buti jekhe Romanja ki pli buti“
I džuvli majodoriga thavdingja rasistikane retorikaja: „ Ko agor asvore džanena kaj normalno rasa si i parni rasa“ hramosargja oj.

I kompania distanciringja pe taro akala komentaria so dengja olengiri bukjarni.
„Olakoro maniri sine na humano. Na tromal te teleperavel pire kolegen. Akava nane o legaripa e kompaniakoro mujal o minjoritetia, vakergja i Jana Kmunčikova , džovaplime bašo marketing.

I sasti situacia kergja bare polemike an i Čehia , ko socialno netvorko. Jekh sine so den sine suporto e romanjake em o bilačho kerdo akti tari i bukjarni a aver bvakerena sine kaj o paldiba tari buti si but rigorozno decizia.

I đurnalistka Saša Uhlova ko piro komentari e paldibaske tari buti sine sar uteha okolenge so si diskriminirime.

Ama dophergja kaj bibahtake nane te tikjnol i diskriminacia so si ko Roma.
I Uhlova hramosrgja kaj i diskriminacia isi la em „teleperavel o dživdipa e Romengoro ki Čehiakiri republika“.

O romano modno dizajneri o Pavel Berki khuvgja ko Top 16 taro čehiakoro editoriali bašo MasterChef

O Pavel Berki si sukcesialo modno dizajneri tari I romani jekhin, em probingja piri baht ko čeghiakoro editoriali tari gastronomia MasterChef (MasterChef Česko). Oleskere stekia kompirencar em I skara impresioniringja e žiri dži odova nivelo so bičhavgje le dikrektno ko Top 16.

„Nek oven saste o žiri so pakajana sine ki mande dži ko odova nivelo so kergje te ovav o avgo so direktno khuvgjum ko Top 16, rupibaja o kvalifikacie baši aver runda.! Odova si narealno hoš mange te ovav ko realno gastronomsko show sar so si o MasterChef. Agorutno drom kana sium sine agjaar bahtalo sine man ked alum ki šansa te presentirinav miri kolekcia sar kotor taro modno kurko ko Njujork, so sine miro lungoberšengoro suno. “ vakergja o Berki kop lo profile ko Instagrami.

O baro žiri tari gastronomia Pememek fert, Radek Kašpirek thaj o Jan Pančoči vakeren kaj o Berki kerel lačhe kombinacie oleskere dizajnea ki presentacia em perfektno kerel orginalno hajbe. Palo jekh tikno momenti taro show o žiri angja jekhutni decizia em bičhavgje pire favorite dirketno ko Top 16 . kote o Berki ka šaj te lel than e titulake MasterChef ki Čehia.

O Berki si biame ki Rimavsko Sobota , Slovakia. Ole dži akana isi le but sukcesia ki piri kariera.

Ko vakti taro studiriba , o Berki kergja konekcia e firmaja Weba , so kerela export taro jorgania em dušekia baši Afrika. Ov pire kolekcie prezentiringja len em ki Bratislava, Budimpešta, London em Njujork.

Ko 2016 berš o Berki legargja I viktoria ko amerikansko show ko Solt Lake City em sine le šajdipa te presentirinel piri kolekcia jekh berš palo odova sar kotor taro Modno kurko ko Njujork. Odova berš ov legargja em I viktoria sar kotor e čehiakere proektoske bašo terne brendia urajbaske „The Way“, em reslja suporto ko buvljaripa pire personalno brendoske.

Link: http://www.romea.cz/en/news/czech/romani-fashion-designer-pavel-berky-joins-the-top-16-round-of-the-czech-edition-of-the-masterchef-competition

Kobor si o minimalno plate ki Europa?

O majneve numeroa sikavena o diferencie taro minimalno plate ko europakere thema kaj si but bare.

O minimalno plate ki Europa si taro 213 eura ki Albania , dži ko 2.142 eura ko barvalo Luksemburg, sikaven o informacie taro Eurostat ko januari akava berš.

Premal Eurostat , ko ofto europakere thema I minimalno plata nakhavela milja eura.
O Luksembur “minimalcia” taro 2.142 eura, o dujto si I Irska minimalno plataja taro 1.656 eura, Holandia 1.636 eura, I Britania 1.599 eura, Germania 1.584 eura, Francia 1.539 eura em Špania 1.050 eura.

Palo odova avena 10 thema kote o minimalci si maškar 500 em 1.000 eura.
Minimalno plata ki Slovenia si 941 euro, Malta 777 eura, Grcia 758 eura, Portugal 741 euro, Polska 611 eura, Litvania 607 eura, Estonia, 584 eura, Slovakia 580 eura, Čehia 575 eura em I Hrvatska 546 eura.

Majtele minimalno plataja potikni taro 500 eura si barabutne ofto europakere thema: Ungaria 487 eura, Romania 466 eura, Latvia 430 eura, Srbia, 343 eura, Montenegro 331 eura, Bugaria 312 eura, North Macedonia 235 eura em Albania 213 eura.

Taro thema membria ki EU o dizutne tari Bugaria, Romania em Latvia isi len matikni minimalno plata.

Interesno si o fakti kaj minimalno plata ko Luksemburg si bajradi bašo 219 eura ko agorutne 5 berša, so si majuči taro akanutno minimalno plata ki Albania taro 213 eura.

 

O konsiliaria tari diz Skopje em o Lolo Kriso vizitkergje e familien so astargje olen bari jag

O Konsiliaria tari diz Skopje em o Lolo Kriso visitkergje e familien taro Šuto Orizari kaskere khera thabile ki bari jag em informiringje e familien baši andi decizia tari diz Skopje kote kip li 49-to bešin angje decizia te den po 1.600 eura sakone taro o trin familie kaske thabile o khera, a po 850 eura e trin familienge kaskere pohari thabile o khera.

Ko pervazia akale visitake tari rig e Lolo Krisoske ko jekh sine hulavde higiensko paketia em hajbe e familienge.

Maškar o aver pire notaciaja bašo Roma Press o konsiliaro ki diz Skopje o Erdjan Selim sikavgja piro čalipa em šukrikerin dži ki dizjakiri administracia , so sine la havipa e familienge so thabile o khera em so dengje len akaja lovengiri arka.


Link: https://romapress.mk/featured/%d1%81%d0%be%d0%b2%d0%b5%d1%82%d0%bd%d0%b8%d1%86%d0%b8%d1%82%d0%b5-%d0%be%d0%b4-%d0%b3%d1%80%d0%b0%d0%b4%d0%be%d1%82-

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 200 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date