Socijala

E Tajson Fjurieskoro dat mangel te kladinel pe e Dejvid Hej 100.000 funti kaj o Romano thagar ka marel e Deontaj Vajlder ko revanši

Baro kladiba sine dendo ki „The Debate“ ko BT Sport , kote o duj verbalno diskutirime sebepi o revanši so si notirime bašo 22 Februari ko Las Vegas.

 

O Hej akcentiringja kaj na dikhel nisavo “motivi” o Vajlder kana o duj gigantia ki phari kategoria ka džan ko dujto than.

 

Ama o Fjuri senior na sine but bahtalo kana o Hej ačhilo palal o Amerikanco em vakergja kaj o ex lumiakoro šampioni ki phari kategoria ki WBA versija ma te hardžinel pe love.

 

O John o dat taro Fjuri (52) vakergja: “ Mangeja li te kladina amen? Me kladinava man ake taro 50 dži ko 100 mile funte, me sium manuš taro lafi”

Ama o Hej na sine zainteresirime te kladinel pe.

 

O 39 beršengoro vakergja: “ Na mangav te kladinava man. Nane lafi bašo kladiba”

“Me vakerava salde so gindinav, em gindinav kaj o Vajlder nane te pomukhel. Ov nae tipi so ka pomukhel”

 

Link: https://www.thesun.co.uk/sport/10921687/tyson-fury-deontay-wilder-david-haye/

ZRDICM reagirinel: O Sirhan Usein si tipično egzamplo tari diskriminacia!

Sebepi o incidenti so sine ko 09.02.2020 paše 10:45 ko busi taro JSP kote o studenti taro romano nacionaliteto o Sirhan Usein, sine čhivdo ko nadolično em bilačho legaripa tari rig taro bukjarne ko JSP (kontroloria) o ZRDICM kerel reakcia akaleske.

 

O korkoro incidenti si notirime ko piro FB profilo taro Sirhan Usein, so detalno notiringja i situacia.

 

Upral i funda tari akaja notacia o Usein vakergja em dži ki policia. Sebepi akava incidenti o ZRDICM gindinel kaj akava sasoitnipa si jekh a jekh savorenge em bizi natolerancia , daravina em diskriminacia.

 

Sako bilačho legaripa em represia , teleperaviba em aver trubul te kerel pe sasti reakcia taro sa o instance em istitucie ki them, rodaripaja korekcia ki natolerancia , negativno retorika, diskiriminacia tari savi te ovel funda.

 

Odoleske o ZRDICM roiodel sasti konsekvenca te protektirinel akale studente kko Pravno Fakulteti ko Skopje o Sirhan usein em akharen e JSP ko anava taro ple bukajrne te separirinel pe tari lengiri percepcia em te bičahven phravdi jertisar te len konsekvence em korekcia ma te keren panda jekh drom asavko akti.

 

Ko jekh saste akharena sa o institucie sar so si o Ministeriumi andrune bukjenge, i Komisia ki protektiva tari dirkriminacia , o Nacionalno Ombdusamni  em o JSP te keren o zarurutne aktia te faisalkerel akava akti.

 

Asavke reakciaja em notacia akale akteske bičhavde sine taro aver da Romane asociacie em NGO  sar so si o „Kham sijan“ , „Romaversitas“ em avera.

Zorali reakcia sebepi FB posti tari etnikani natolerancia!

Akala divesa bukvalno o FB „eksplodiringja“. O faktori si sebepi editirime post –vico, so si diskriminirime em telepravdi jekh sasti nacia – Romani.

 

Nesavo Zlatko Bojadžiev ko plo FB profilo, editiringja vici so bukvalno teleperavgja sasti romani nacia.

 

Palo odova kerdi si reakcia em startujngje komentaria emnegativno kritike mujal o editori.

Ko komentaria trujal akušipa em vulgarno konotacia , sine daravina em notacia taro bilačhi saikerin ko vici.

 

Bahtake i sasti euforia agorkergja tikne periodeske kote o korkoro autori ikavgja o posti, soske havgja i kritika em o bilačho post.vici.

 

Akava neka ovel sar godi kaj sako forma teleperavin em negativno retorika ka ovel zorale sankcionirime, bizo majbare konfliktoa.

O ZRDICM dengja o avgo sertifikatia bašo „Pedagoško asistentoa siklenge kiu fundavno edukacia“

Ko 7 februari 2020 berš ki F.Š. Kliment Ohridski tari komuna Butel ko utsavali forma e personenge si kergje trin masekongiri obuka  ko proekti taro relizirimo subjeto o Romano Biznis Informativno centro Makedonia – ZRDICM  sine dende em o avgo sertifikatia  resle džanlipaske , praktika em kompetencie „Pedagoško asistentoa siklenge kiu fundavno edukacia“

I praktika startujngja ko 1 Novembro 2019 berš a agorkergja ko 31 Januari 2020 berš, kote o praktikantia reslje sertifikati em položingje.

Ko bakti tari i praktika resle džanlipa te educirinen e čhaven taro fundavno škole . Savala si te keren len džanle sar individualno buti em buti ko timo.

Ko jekh akala pedagoško asistentoa resle džanlipa ki motivacia e siklenge olengoro džanlipa.

Akana resle sertifikati em odolencar ka oven aktivno kontektirime ko edukaciakoro plano em ka den suporto ko fundavno škole ko skopsko komune Čair, Butel, Gazi Baba, Karpoš em Gjorče Petrov dži ko agor akale sikljojbaskere beršeske.

O sertifikatia sine dende tari rig e presidentoske taro RDICM o Zoran Dimov.

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 147 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date