Socijala

Trin kurke bizi elektrika! O Roma tari niško mahala „12 Februari“ protestirinena!

Paše 100 Roma tari niško mahala 12 februari iklile pe droma legaribaja transparentia em stopiringje o trafiko o regionalno drumo E 771 , protestiribaja baši čhinavdi elektrika.

 

Ko than interveniringja em i niško policia te šaj chidena pe taro drumo. O representoa tari akaja mahala pali kerdi diskusia e policiaja čhinavgje o protesto soske ola na notiringje kaj ka keren protesto.

 

Ki akaja romani mahla dživdinena paše 100 familie a elektrika nane pobuter taro duj kurke nane len elektrika, sebepi sar so vakerena „defeti ki instalacia“. I ekipa tari elektrodistribucia ali dikhlja numa na kergja reparacia soske nane len pukjime o borči mujal i Eelktrodistribucia tari Srbia.

 

Ko maškar vakti o Roma tari akaja mahala sine len dikhiba e dizjakere šerutnea taro Niš o Darko Bulatović em e direktorencar taro EPS , ama na resle dži ko kontrakto.

 

O dizutne havljarena kaj ka keren neve protestoa em insistirinen te ovel olen mitingo e lokalno legaripaja em tari EPS a ko jekh udžarena em suporto taro romano NGO em o aktivistoa te faisalkerel pe akava problemi.

 

Link: http://rominfomedia.rs/tri-nedelje-bez-struje-romi-iz-niskog-naselja-12-februar-protestvovali-zbog-iskljucenja-struje/

I them ka kosel upreder 10 milionia eura borči taro o dizutne

O Parlamento dengja vota e kanoneske te kosen pe o borčia em reprogramiriba e borčonge e fizičko personenge solea upreder 10 milionia eura taro dizutne ka oven kosle vakeren taro Ministeriumi jurisdikciake.

 

Kanonea ka kosen pe o kamate taro sa o aktia so si dende ko izvršitelia phanle 31.12.2017 beršea taro dizjakere em themakere kompanie em ka pukjinen pe ko pobuter rate.

 

„Ki paralela taro reprogramiriba , e neve kanonea akava pukjiba taro šerutno borči em o harči ko aktia anglal o kriso , notary em izvršiteli ka kerel pe ko masekoskere rate ko athinalipa kobor si učo o borči em o harči.

 

O kompanie so si themakere jali dizjakere akale kanonea trubul te keren sasto kosipa e kamatenge em reprogramiriba  e šerutne borčeske ko rook taro trin masekoa taro o dive kana ka ovel ko takati akava kanoni” vakeren taro Ministeriumi.

 

O kompanie so si privatno o kosiba e kamatenge em o reprogramiriba e šerutne borčeske ka keren le te mangle – dobrovolno.

O kanoni sine votime em ka ovel oficialno ofto divesa kana ka ovel havljardo ko “ Službeno vesniko tari Republika North Makedonia”.

Korupcia ko phanlipa – Mobilno internetea si 600, bizo internet 200 eura

O biznisi mobilno telefonencar si majprofitabilno ko phalipaskere institucie ki them.

Mobilčno telefonia , visita e phanlipaskere doktoreske thaj stomatologo, frižideri si nekobor elementia so o phale ko Phanlipaskere institucie ki them prekal kerede rodaripa em analize akcentirinel pe kaj šaj te resen pe ko phanlipa aso love.

 

I situacia korupciaja ko nakhle berša sine majbari, vakerel pe ko rodaripa. Akana I situacia nesar si čhivdi telal I kontrola, ama panda ko phanlipa šaj nesar te kinen pe taro nesavo phanlipa elementia so na troman te ovel olen.

 

Baro biznisi ko phanlipa si o mobilno telefonia. E phanle na tromal te ovel ole mobilno, ama buteder isi olen. Normalno mobilno so šaj te istemakerel pe salde telefonsko lafikeribaske si majhari 130 , em resel dži ko 200 eura.

 

Ama trubul te vakerel pe kaj I korupcia nane ko odova nivelo sar so vakeren po desavo drom o mediumia, soske odola notacie baši korupcia ko phanlipa majbut si vakerde taro desave phanle so nane čale taro o šartia ko phanlipa.

 

O džovaplipa save šartia ko phanlipa kote keren buti e phanlipaskiri policia vakeren kaj odoleske džovaplime si o anglutno legaripa , em pakajna te mukhle te phraven pen eve bukjarne thana an o phanlipa so ka opservirinen e phanlen, ka ovel panda majefikasno o maripa mujal I korupcia ko phanlipa.

 

Link: https://kajgana.com/zatvorska-korupcija-mobilen-so-internet-za-600-bez-internet-do-200-evra

Oj udžarel sine andi krisoskiri decizia 15 berša. O Kriso ki Slovakia finansisko ka kompenzirinel I nakanonikani sterilizacia e Romane džuvlenge

O regionalno kriso an I Košice vakergja kaj ka kompezirinel lovencar I nalegalno sterilizacia e Romane džuvlen lovencar pobuter taro 16,000 eura  (paše 400,000 krune). I Romani džuvli sine sterilizirimi bizo lakoro džanlipa ko 1999 berš ko hospital Krompas thaj 15 berša rodela sine ando krisokiri decizia ko Krisia.

 

"Pozitivno si so o nacionalno krisoa ko agor angje decizia baši kompenzacia akale džuvljake.

Numa o sasto kriseskoro proceso sine baro em lungo , 15 berša em o krisia ko akava periodi angje buteder nanormativno aktia. Me pakajva kaj ko akava akti na reslja te arakhel peefikasno avipa e čačipaske” vakergja I zijankerdi Vanda Durbakova.

 

„ Ko odova vakti trubul te potencirinel pe kaj o krisoa šaj nane o jekhutne institucie em o majefikasno forma te anel pe kompenzacia em si seriozno sistemsko peraviba o manušikane em minjoritetengere niamia, sar so si I zor kerdi sterilizacia e Romane džuvljake” dopherel I Durbakova.

 

Link: http://www.romea.cz/cz/zpravodajstvi/zahranicni/15-let-cekala-na-spravedlnost.soud-na-slovensku-odskodnil-nezakonne-sterilizovanou-romku

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 147 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date