Socijala

Alara – čhavoro, diskriminirime em paldime tari škola ko Kočani

O politikano magazini „Sken“ tari Civil Media hulavgje piri kerdi storia konektirime diskriminaciaja.

 

I daj tari tikni Alara Rustemova vakerel kaj o nastavniko Ljupčo Gorgiev tari fundavutni škola „ Rade Kratovče“ ko Kočani, bilačhe legarel pe sine olakere čhijaja, khuvela la sine lejnirea, sako drom del sine vika upral olate em diskriminirinel la sine prekal etnikani funda.

 

„Oj vakergja e nastavnikoske kaj čhadela pe lake a ov vakergja lake: “ Aj ma ker mange romane bukja” em taro odova dive mi čhaj darala, salde rovela em na mangel te džal ki škola” vakerel I daj Esma Rustemova.

 

I daj vakerela kaj o bilačho legaripa taro nastavniko Gorgiev notiringja le ko direktori e školakoro o Blagoj Davitkov, em ko than te šunel olas em te kerel desave konskevence mujal o nastavniko, oj vakerel kaj sine bilačheste paldimi taro ofiso e direktoreskoro.

 

O direktori e školakoro OU “Rade Kratovče”  čhidel sa akala notacie kaj o nastavniko Gorgiev maltretirinel sine e tikne Alara , a sar svedoko notirinel avere nastavniko so dela suporto jekhe čhaveske so sikavel le a isi le posebno specialno tretmano sikljojbaske em si taro odova klasi.

 

Žurnalisto Dehran Muratov

 

Link: https://civilmedia.mk/sken-politichki-magazin-alara-dete-diskriminirano-i-izbrkano-od-uchilishte-vo-kochani/

Youtube:

 

Sebepi šubikerin kaj isi kidnapiribe i srpsko policia rodela e „Malčansko berbere“

So isi indikacie kaj kergja kidnapiriba e 12 beršengere romane čhija taro trujalipa ko Niš, i policia rodela e Ninoslav Jovanović pendžardo sar „Malčinsko berberi“. Ov vakeren tari policia agorutno drom si dikhlo ko pašipe taro Knjaževac,

 

Palo nekobor diveseskiri intenzivno rodaripa ko gav Malča, i policia vakerela o identiteti e manušeskoro so si šubikerdo kaj kidnapriringja e 12 beršengere čhija so bešela paše ko Niš.

 

Kerel pe lafi manušeske so sine phanlo buteder droma sebepi kriseskoro akti kidanpiribe em seksualno terori.

 

Tari policia vakerena kaj agorutno drom si dikhlo ko pašipe taro Knjaževac , dengje duj fotorgrafie em akharena e dizutnen  dži kote isi len nesave informacie olaskere phiribaske em aver te roden ko telefoni 192 thaj 018/522-982.

 

Liparibaske si kaj i 12 beršengiri Monika Karimanović našavdili ko 20 Decembro ko 07:20 sabajle ko drumo premal i škola. Taro odova momenti našavgjovena sa o detalia kaj geli. I policia em i žandarmeria intenzivno rodela , a taro avdive ko rodaripa čhivge pe em o lovdžie em o dizutne.

 

Link: http://romaworld.rs/policija-traga-za-malcanskim-berberinom/?fbclid=IwAR3cs6BYjj3P_gzS_FuTgYWzWjbwMFfbDEkR2NFqGoObSQ7KtZYkZVfznpU

 

O dive kana o Boni M kergja o bijav ko Skopje

Avgust 1981 berš , Skopje. O Alfons Bobi Farel , denseri em vokali e popularno disko grupake “Boni M” ulo amaro džamutro, soske prandingja pe e 18 beršengere Jasmina Šaban taro Skopje. Upreder 20.000 Skopjancia selajminkergje e ternen.

 

Dži kote o Bobi sine mega popularno ki Europa em lumia e grupaja Boni M I Jasmina oleste udžarel sine ki leskiri barvali vila 13 sobencar so sine trianda kilometria dur taro Hanover. Em agjaar sa dži ko 1 Avgust 1981 berš kana sine o bijav ko skopsko hoteli Kontinetal.

 

Sar te ovel akava bijav ko Skopje sine notirime sar “ hiti nilaeskoro”

Nekobor divesa anglal o bijav o Bobi pe phralea ale ko Skopje. Ko momenti sikavgja kaj na mangel but kontaktia e žurnalistoncar  em reporteroa. Sine but nervozno.

 

I Jasmina na da mangel sine but te eksponirinel pe trujal so angleder jekh masek o duj da džene asana sine anglal o foto reporteria em rekalmirinen sine olengiri prandin.

 

Palo jekvaš saati pauza I registracia ko matično ofisi sine kerdi. Suportoa taro trafikoskiri policia , e bijaveskoro alaj reslja palo odova anglal o hoteli “Kontinetal” kote paše 12.000 manuša aplauzencar udžargje e ternene.

 

Ko bijav sine paše 360 misafiria. Ko štar o saati sabajle o misafiria gele peske, trujal so o bijav sine planirime te ovel dži ko efta o saati sabajle.

AKHARIN BAŠO EKSPERTOA EM PERSONE ANGAŽIRIME TE LEN THAN KO ARTIKLIRIBA DOKUMENTARNO FILMI

Phravdi si i akharin bašo ekspertoa ko pervaziae proekteske “Korupcia ko phanlipaskere institucie em sistemo , prekal i prizma taro ex phanle manuša“, ki implementacia tari Asociacia taro Romano Biznis Informativno Centro ki Makedonia, sub-grant ko proekti „ Barabutne ko maripa mujal i korupcia” – finansirime tari Europakiri Unia , a implementirimi taro Centro rodaripaskere žurnalistia SKUP MAKEDONIA taro Skopje ki kolaboracia e Institutea manušikane niamenge (IMN) taro Skopje thaj o Centro buvlajripaske e mediumenge em e jekhinenge MEDIUM taro Gostivar,” – Skopje (IDSCS) prekal i Programa suportoske taro civilno sketori em mediumia IPA /2017/392-518, havljarel akharin te del pe granto e civilno orhanizacienge (GO) akciake ko pervazia taro grantoskiri šema akale proekteske.

  1. INTRO

I korupcia ko krisia em adalatia em ko phanlipa si pendžardi buti, ama oj nisar našti čhinavel pe. Te šaj lel neko mito, aver trubul te del le. A kana jekh drom ka del pe I korupcia lel progreso em ovel normalno buti. Resarinaja te prevencirinel pe ko krisaria em phanle em o dizutne te notirinen o koruptivno aktia te šaj bajrol o dikhiba taro koruptivno aktia em te detektirinel pee m rodaren pe I korupcia ko phanlipa , o proekti si le resarin te detektirinel o kanalia / lavirintia tari korupcia.

I korupcia si jekh taro prioritetoa so beršencar napala liparen pe ko raportoa tari EU. Korupcia ko krisia, korupciia ki edukacia , korupcia ko phanlipa. I korupcia ko institucie si barikada em krisipa. Odoleske e dizutnen isi len našavdi pi pativ ko sitemokaj bizi korupcia našti avel pe dži ko realiteto.

 

I resarin akale proektoske si te vazdel pe i gind kaj isi korupcia ko phanlipaskere institucie ki Republika North Makedonia thaj detektiriba o kanalia tari korupcia prekal dokumentiriba personalno faktia ko krisoskere aktia em phanlipa taro eks phanle ko diferentno etnosdoa em  te alarminirinel o institucie em leiba akcia ko maripa mujal i korupcia ko KPD sistemi em vazdipa i gind te tikjnaren pe o kroutivno aktia ko institucie.

 

  1. RESORO E BUKJAKE EM DEJBA O MATERIALIA

 

Jursdikciakoro konsultanto

  • Definiriba o aktia so kerel pe rodaripa. Definirinen o koruptivno akti em i persona so ka del intervju so ka kerel pe rodaripa aso sasti kriseskiri procedura o vakti nakhlo ko phanlipa, olengiri percepcia em i korupcia.
  • Analiza e aktenge /kriseskere aktia
  • Hazrkeriba e pučlibaskere lilenge bašo intervju e personencar. O pučibaskere lila e personencar ka ovel pučiba aso o aktia /kriseskere decizie em vakti nakhlo ko phanlipa so ka analizirinen pe , a o persone so ka oven intervjuirinime ko direktno jali indirektno forma sine involvirime odothe.

Scenaristo/režiseri

  • Keriba o scenarip e dokumentarno filmeske. Keriba detalno scenario terensko aktiviteto ki konekcia e egzamplonacar ko dokumentarcio, kaj ka oven arakhle persone – likia so ka oven astarde ko rodaripa ( O oštetime, phanle, olengiri familia , amala thaj javer.

Kamermani thaj produkcia

  • O hazrkeriba e snimibaske o dokumentarco . Snimiba e dokumentarcoske em sa aver tehnikane parametria ki realizacia (Mukhiba te sniminel pe).
  • Produkcia. Sasti produkcia e saste dokumentarno paketeske.
  • Monataža, tehnikani adaptacia, titl e dokumentarceske – normalno dži kote o intervjuirimo istemalkerel aver čhib sar dajakiri trujal makedonikani, ko jekh anglikani translacia
  • Rent taro hard disk em instrumentoa

 

Naratori

 

  • Naratori ko dokumentarco

 

IMPORTANTNO : O LENDE AKTIA ŠAJ TE OVEN HULAVDE

VAKTI TARO ANGAŽMANI

Ko kontrakti e ekspertoa em proekt timi phanel pe ko 31.05.2020 berš.

 

  1. AUTORIZACIA

O produktia so ka oven artiklirime taro angažmani ka oven autorizirime taro RBIC

O eksperto del akcepcia kaj nane te istemalkerel o produktia avri taro akava angažmano bizo anglutni hramosardi autorizacia taro RBICM.

 

  1. PUKJIBE

 

Jurisdkiciakoro konsultanto - 225.000 denaria

Scenaristi / Režiseri -120.000 denaria

Kamermani thaj produkcia - 68.000 denaria

Montaža (istemalkeriba o hard disko thaj instrumentoa) - 59.000 denaria

Naratori - 30.000 denaria

 

 

 

 

 

  1. KVALIFIKACIE:

 

Jurisdikciakere konsultatntoske:

  • Agorkerdo pravno fakulteto položime pravosudno ispit minimum bukjarno džanlipa 3 berša
  • Bukjarno džanlipa taro manušikane niamia, nadiskriminacia;
  • Relevantno bukjarno džanlipa tari jurisdikciakiri protektiva em manušikane niamia;
  • Rodaripaskoro džanlipa ko regioni em ani them;
  • Sikavdo džanlipa ki analiza em notacia ki jurisdikciakiri protektiva;
  • Perfektno komunikacisko em interpersonalno džanlipa;
  • Perfektno analitikane džanlipa em hramosariba

 

Bašo scenaristia - režiseria:

  • Anglutno bukjarno aktiviteo ki produkcia / korpodukcia em /keriba scenario / režia

 

Kamermaneske:

  • Anglutne bukjarno aktiviteto ko snimiba dokumentarcoa
  • Te džanen tehnikane bukja, ki kamera em proceso ko snimiba.
  • Te pendžaren buti kompjuterencar

 

  1. APLIKACIA:

Sa o zainteresirime kandidatia trubul te aplicirinen pire Ponudaja /metodologia em tikno CV so ka ikerel o kvalifikacie em džanlipa e bukjake, dži ko Asociacias Romski Biznis Informativno Centro ki Makedonia: Această adresă de email este protejată contra spambots. Trebuie să activați JavaScript pentru a o vedea. dži ko paraštuj, 31-to Decembro, 2019 berš dži ko 12:00 saato, notaciaja: Aplikacia bašo ekspertoa.

 

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 155 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date