Socijala

O Roma ko Unime Thema – Amerikansko Roma

Notacia si kaj ki USA isi jekh milioni Roma . Trujal o Roma ki USA asimiliringje pe ko amrikakoro sasoitnipa , majbaro koncetracia si ko South Kalifornia ko Pacifik, ko Teksas em ko dizja sar so si o Čikago em Sent Luis.

 

Majbaro progreso taro romane migrantia avile sar rezultati taro čhinajbe o rosptvo upral o Roma ki Romania em Balkani palo trošalipa e Osmanlisko imperiake ko 19 veko.

 

O Romane robia avgo drom sine bičhavde ki Amerika e Kolomboa ko 1492 berš.  I Špania bičhavgja e romane robia ki olengiri kolonia ki Lujzijana ko periodi 1762 - 1800 berš.

 

O progresi tari romani migracia sine pendžardo sar so si o Kalderashia, Makvaja, Lovaria em Čuraria, em o romane etnikane grupe so integriringje pe ko centralno em purabeuropakoro sasoitnipa, satr so si o Bajashia – Ludari, tari Romania  thaj o Bashalde ki Slovakia.

 

I imigracia e Romenge em I sasti migracia ki Centralno em Purabali Europa, sine but limitirime ki rusiakiri era ki Purabali Europa, a palem intenziviringja pe ko 90-to berša palo periba e Sovetsko blokoske.

„O fantomia“ ka oven evidentirime ko ekstra rigistri

O persone “Fantomia” so nane nikote registririme ka oven evidentirime ko Ekstra registry em ka ovel olen sa o niamia sar sa o dizutne ki them.

 

Akava ka šaj te ovel prekal Bahan kanoni baši naidentifikacia ko personalno lil bijanipaske, so akana šaj te kerel pee m dendo propozalo tari Parlamentarno komisia e evropsko pučibaske.

 

O NGO organizacie notirinen kaj o numero taro “fantomia” si but majbare em šaj resel dži ko 1.500 manuša.

 

„Akava kanoni si salde personenge so nane identifikujme ko lil bianipaskoro , a arakhen pe upral I finda taro phravdo akhariba.

 

700 persone si registririme ko ekstra elektronsko registeri em akale kanonea dela len štar niamia, niami ki edukacia, buti, socialno protektiva em sastipaskiri protektiva” vakeren taro Ministeriumi baši sociala.

O Nevo berš ki lumia

Neveberšeskere adetia ko sako them si diferentno. Ten a džangjen jali na sine tumen šajdipe te dikhen em te šunen jekh aver Neveberšeskoro utsavalkeriba ake daja tumen jekh tikno kotor taro adetia so praktikujnen pe ko diferentno thema ki lumia.

O Germancoa na keren o Nevo berš bizi pirotehnika, em odoleske ki Germania sako berš ki odoja rakj , majbut hardžinel ki pirotehnika (paše 100 milionia eura).

O Avstralijancia si diferentno salde prekal I baht tari neveberšeskiri rakj ka keren la lačhe desertea – sladoledi taro mentol so del pe aranžirime ki forma sar detelina štar patrinencar.

Ki Britania si importantno em kobor udara isi ko kher. Trujal sar adeti si kaj trubul te phravel pe o šerutno udar taro kher te khuvel I baht ko nevo berš šukar sit e ovel tumen em straža ko udar te šaj dikhel pe save misafiria avena . Te ale pobuter misafiria taro jekh drom, o avgo te ovel ko legarel o bakšiši.

-O Holangjania ko Nevo berš hana krofne, soske gindidine kaj o krofne si simboli tari baht em berekjeti.

O Špancia ki jekvaš rakj hana drakha em odova 12 zrnia so simbolikane sikaven I baht ko avutne 12 masekoa.

- O Grkia sar em o Norvežania ko neveberšeskiri rakj ko maro čhiven moneta.

- O Sicilijancia pakajana ki baht kaj ka oven bahtale ko Nevo berš te hale lazanje. O hajbe taro aver testenine anela bibaht.

- O Brazilcia ko Nevo Berš legaren parne šea sar simboli tromalipaske.

- Ki North Amerika adeti sit e den bakšiši čumipoe kana khelena tanco em maskenbal. Premal I tradicia o maske si simboli taro bilačhe duhoa taro purano berš a o čumipe simbolizirinel kaj ka chiden odova bibahtalipa ko purano berš em ka anen I baht ko Nevo berš.

I daj dikhlja daravutno video detalji: Vordon chidingja pali i Monika (12) so i Srbia rodelal la štarto dive!

I Monika Karimanović (12) so našavdili em agorutno drom si dikhli ko pašipa e hoteleske Brzi Brod, Niš ko pašipa e thaneske Suvi Dol kote so dživdinel.

Olakiri daj sine akhardi te dikhel I snimka taro kamere, kote isi jekh vordon. I daj pakjala kaj akava detail ka del ark ate khuvel pe kit raga pali našavdi čhaj.

I daj vakerel o detalia tari snimka so salde dikhlja len a an lelja len.
- Dikhljum I video snimka ,em akana I policia trubul te dikhel si li odova detail phanlo so mi čhaj našavdili. Odova sine vordon so ko momenti chidingja primal olate – vakerel I daj.

I Monika ko paraštuj chidingja ki škola em na irangja pe khere. Kana olakiri daj ali ki škola te dikhel so ovela, oj havgja šokantno fakti kaj oj na ali nisar ki škola em ko časia.
- na sine nesave indikacie kaj nekaste zamanglja em trampingja po karakteri, a ko jekh nane la ni paše familia kote so šaj te džal – vakergja olakiri daj.

I Monika si ćčhavo so džala ko 6 klaso ki škola “Zoran Gjingjić” I čhaj kheral iklili ko 07:20 a I škola olatar dur jekh kilometro.
Pali 12 beršengiri čhaj em majodoriga kerel pe rodaripa em konketirime si em o Ofiso riziko situacienge vakeren tari policia. Ko momenti pali našavdi čhaj akana rodena la 200 policajcia, pozornikaria em žandarmerija.

Oj si uči 170 cm em phari paše 62 kilogramia , sine uravdi ki kali jakha, kale pantolske, roze patike, ranco em šali.

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 119 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date