Socijala

E čehiakiri policia dengaj dekreto akti mujal češjo džuvli so legarel sine nacistikane simbolia sar suporto em akti mujal manušikane hakoa

I detektivia tari praga vazdingje krisoskro akti mujal 47 beršengiri džuvli so sine ko demonstracie tari "Trimalipa em direktno demokratia" (SPD) ji aoril akava berš ko ploštadi Venceslas , soske legarel sine lanco kote sine but nacistikane simbolia , svastike em aver Nacistikane aktia-

E čehiakiri televizia sikavgja akaja informacia tari Jan Dank , portaproli tari policia ki Praga.

I džuvli m vakeren tari i policia kergja došperavibaskoro akti soske sikavgja simpatia premal nacistia em teleperavel e manušikane hakoa odolea so legarela sine simbolia , em te sikne krisime šaj te ovel phanli trin berš phanlipa.

„O detektivia taro policiakoro tegioni lo Šraga 1 kergje o rodaripa em akceptieingje kriseskoro akti mujal akaja 47 beršengiri džuvli di ko Kriso ki Praga 1 sar došperavibaskoro akri soske sikavgja simpatie premal o nacistoa em čhinavel o , manušikano tromalipa" vakerel i Danik.

I SPD organiziringja demosntracie mujal sar so ola vakeren i "Diktatura tari Europakiri Unia " ko 25 aprili kana počmingje piri kampanja bašo Europakoro parlamenti.

CCTV o kamere na salde so snimingje e džuvlja sar legarel lancia nacistikane simbolencar numa jekhe taro demonstrantia dela le sine em nacistikno seljami.

O manuš so kergja odova si 34 beršengoro Radek Mansfeld em ando leske šov masekongoro šartialo phanlipa em te pukjinel 30.000 čehiakere krune - paše 1.200 eura.

Integracia e Romenge ki Litvania

Ko periodi 2014-2020 berš ki Litvania sine hulavde barabutne 6,8 milijarde eura taro EU , kotar so 4,7 milijarde eura si taro Europakoro socialno fondi (ESF) thaj Europakoro fondi regionalno buvljaripaske (ERDF).

Taro akala love majhari 24,2% ka oven hardžime ko ESF kotar so majhari 20% olendar ka džan ki promocia e socialno inkluziake thaj mariba mujal o čorolipa. I agorutni suma ka šaj te finansisirine em aktia konektirime e Romencar.

O Konsilo e Europakoro notirinel kaj paše 3.000 Roma si ki Litvania (0,08% taro sa o dizutne).

I Strategia tari Litvania ko jekh si la mangin te bajrakerel i rolerancia prekal multikulturakoro dialogo.

I nacionalno strategia ki integracia e Romenge ki Litvania (akciono plani) si legardo ki promocia ko leiba than e Romen ko dživdipa , tiknjariba i socialno inkluzia em zojrakeriba i gnid ki romani jekhin em bajraripa i tolerancia premal o Roma.

O Roma ki fikcia

But hramosarde storie e Romenge ki literatura em filmia sikaven len ki forma taro tomantično narativia baši lengiri percepcia sar mistično karakteria, gatačia, magioničaria, a olengoro nalimitirmo duho em temperamenti si konektirime ki olengiri bari mangin bašo tromalipa bizo limiti em olengere kriminalno aktia.

O kritičaria odoleske sar si o Roma prezentirime ki popularno kultura sikaven jekh a jekh sar protretirime prekal o Jaudie sar nacia, kote e duj nacien sikavena stereotipno negativno sar manuša nomadia so phirena, so si nasvale, so kidanpirinena čhaven, kerena terori em atakia javere manušenge.

O Roma sine sikavde ki viktoriansko em moderno britansko literatura sar " bilačhi, okolutno em kriminalno tendencia" so si konektirime - phanle "čoribnaja em hohavnipaja" a ko britansko renesansno em barok teatro sar inkorporirimo elementi taro interesno šarmi em elementi so sikavela majteluni socialno kasta " konektirime magijaja em akrobatoa thaj žongleria - cirkusko artistoa".

Ki opera, literatura em muzika ki sasti Europa, o romane džuvlja si sikavde sar provokativno , seksualno objektoa so lokheste astarena pe em egzotično em mistično.

Asavke stereotipia promovirinela o holivudsko em europakere filmia thaj ko jekh i popularno muzika em aver forme tari pop kultura.

Link: https://en.wikipedia.org/wiki/Romani_people_in_fiction

Personalno dikhiba - "Ikeriba e nacia ko čorolipa em nadžanlipa si majbilačhi forma taro terori" - Mahatma Gandi

Jekh taro konkluzno problemia ko amaro sasoitnipa si o terori so ko agorutne trin decenie kergja i jazia but e manušenge em avutne generacienge. Odova majbut kergje okola so si ko lačhe pozicie. Ko jekh o terori ulo sar jekh legitimno forma te šaj kontririnel pe sa okole personenge so si len diferentno gind em manuša so na mangen te oven telal okola so si len i pozicia.

Jekh taro okola so ilustriringje le majšukar o strukturalno terori si o Mahatma Gandi so vakergja: "Ikeriba e nacia ko čorolipa em nadžanlipa si majbilačhi forma taro terori"
E odova tano amare naciaja so ovel ko momenti.

I strukturalno forma taro terori si asavki forma tari them so keren o sasoitnipa na čaćhe adekvatno ko sa o šartia kote sako manuš ko sasoitnipa. Kana akcentirinel pe i them em o sasoitnipa gindinel pe ko themakere institucie , e kriseskoro sistemi o NGO , sindikatoa em avera.
Sa olen si len jekh forma tari pozicia so keren akcia. Odova so kerel pe si:

1.Ola na implementirinena o kanonia ko odova nivelo sar so trubul em keren buti kosemsi sasti lumia si olengiri sar so avile ko themakoro učipa, a o kanonia istemalkeren len salde kana lenge si lačheste m kerena diskriminacia, thaj na respektirinen o procedure.
2. O legaripa na iranel o kanonia so si diskriminatorsko mujal individue jali grupe, jali keren neve kanonia kote so e manušen čhiven ko na jekh a jekh tretmani.
3. O govermenti anela kanonia te šaj čajlarel olenege apetitia , a na o apetitia e dizutnegere.
4. O legaripa implementirinel o kanonia kote kerel manipulacia e manušenge ko informacie em del bilačhi - jojavni ilustracia kaj si sa lačheste jali o riziko taro olengere interesoa.
5. O legaripa na lerel but te čhinavel jali te del lovengere konsekvence sare okolenge so keren forma taro terori em diskriminacia.
6. O legaripa na kerel ambienti taro jekh a jekh šajdipa savorenge. Majbaro kotor olendar na legarel i gajlja e minjoritetonge numa čaljarel salde pire prioritetia.
7. Nesave individue oven legitimno em legalno ni najhari te legaren i doš.

Akava si salde jekh tikno kotor taro akcentirime egzamploa so sikaven i percepcia tari akaja forma funkcioniriba . odova so šaj te den amen lafi si percepcia tari odoja forma funkcioniriba, a odova si kaj ka keren sa te maren pe mujal odola forme diskriminacia kaj ka šunen o gango e marginalizirime grupengoro em o diskriminirime em kaj na avel niko olende kana olenge majbuteder valjani lenge.

Definitivno sa amenge sar normalno nacia nane te dukhal amen odova majbut te siam sine viktimia taro naamala - dušmania soske taro dušmania našti udžarel manuš šukaripa, . Ama čačutne dukhala kana manušeske so dengja tiri pakjiv em udžare lestar te kerel tuke šukaripa, ikljiola kaj so ov tuke majbaro dušmani em odova salde oleskere personalno interesenge.

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 298 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date