Socijala

Slovakiakiri buseskiri kompania ko video buteder droma na manglja te lel romane klienten

Eurobus si kompania tari Slovakia so ikerel buseskere relacie ko regioni taro Košice. Sar te ovel isi len neve busia, ama na mukhela pire purane funkcioniriba taro nesave šoferia tari akaja kompania , kote odolea diskreditirinela e romane klientela.

I kompania vakerela kaj akala incidentia si egzamplia taro tikno nahaljovipa , ama o faktia so dikhena pe vakeren aver forma kaj isi odothe. Jekh web serveri sikavela video snimke taro incidentia em odothe si aver. Isi snimime duj aktia , duk dokumentoa so dikhel pe ko video , kote o šoferi tari odoja kompania na mukhel romane familia te ukljel ko busi.

Ki relacia Košice - Moldava Nad Bodvo , jekh Romani džuvli manglja te ukljel ko busi pe romea em čhavea, ama o šoferi na mangel te le len lafencar kaj našti te khuven količkaja. I familia vakergja kaj nane te ovel problemi kaj ka phanen i količka em ka len e bebe ko ple vasta, ama o šoferi na mangela sine ni odova.

„Ni jekh aver autobusi na sine ko momenti . O šoferi sar komunicirinel sine amencar kerel sine sa salde ma te uklja oleste, ama mo rom em me siem sine but kulturno" vakergja akaja Romni e mediumenge tari PressTV.sk.

Link: http://www.romea.cz/en/news/world/slovak-bus-company-caught-on-video-repeatedly-denying-some-romani-passengers-service

Youtube:

Integracia e Romenge ki Irska

Ko periodi 2014-2020 berš , e Irskake si hulavde 1 milijarda eura taro Fondi e Europakere socialno fondeske (ESF) thaj e Europakoro Fondi regionalno buvljaripaske (ERDF).

Majhari 51,7% taro akala love ka oven hardžime ko ESF so majhari 20% ka džan ki promocia socialno inkluziake thaj mariba mujal o čorolipa. I agorutni suma ka šaj te istemalkerel pe em ko aktia so si konektirime e Romencar.

O Konsilo e Europakoro notirinela kaj isi paše 37.500 Romi so dživdinena ki Irska (0,9% taro sa o dizutne).

I Nacionalno strategia ki integracia e Romenge thaj Travelsia ki Irska mame ekstra strategia , numa sar integririmo paketi taro politike ki socialno inkluzia ki Irska.

Ki strategia e Irskake si la resarin te ikavel pe o čorolipa em socialno inkluzia maškar o marginalizirime romane em travelsengere jekhina, fokusibaja ki edukacia, buti, sastipa em kherutnipa.

Integracia e Romenge ki Ungaria

O Konsilo e Europakoro notirinel kaj isi trujal 700.000 Roma so dživdinena ki Ungaria (7,05% taro dizutne).

I Strategia ki Ungaria nane legardi premal o roma , numa premal sa socio teleperavde grupe dizutne. Šerutni resarin si mariba mujal o čorolipa . I Ungaria ko jekh promovirinela socialno inkluzia e Romenge prekal specialno programe

Inkluzia e Romenge ko jekh si importantno kotor tari i strategia , thaj sar te vazdel pe i gind ko maripa mujal i diskriminacia

Ko 2014 berš i Komisia akceptiringja priri notacia bašo progreso reslo an i implementacia e nacionalno strategienge ki integracia e romenge ko 4 konkluzno reonia sar so si edukacia, buti , sastipaskiri protektiva thaj o kherutnipa em o maripa mujal i diskriminacia em istamalkeriba e finansisenge.

O avgo Roma sine kale manuša so sine anavkerde sar Etrurkia

O avgo manuša ki phuv sine kale manuša. Em sebepi so odova faktirime sikavgje o historičaria , naučnikia em arheologia, šaj te vakera kaj o kale saste sine dominatno ko but kotora em ki Europa milja thaj šel milje beršencar angleder te aven akate e europsko nacia - kavkazia.

O legende vakerena kaj ola sine sar darhinale čhave e migrantonge so avile tari troja legarde taro kalemueskoro princo Enea, kana i diz peli ko vasta e grkonge. Bizi diferenca si li akaja legenda čače jali na ama fakti si kaj i diz Rim sine ko vasta e kale manušenge .

O statue em o artistikane performansia taro Ertrucia sikavel kaj o avgo manuša sine Kale. I historia sikavel kaj sine odola senzualno em kreativno manuša. I dfiz Rim majanglal sine anavkerdi sar Ra Ouma so si ki translacia sar "Than protektirime taro Ra"
Подолу се дадени неколку слики кои се доказ за црниот идентитет на првите Римјани:

Link: https://libertywritersafrica.com/the-first-romans-were-black-people-called-the-etruscans-read-full-history/amp/?fbclid=IwAR0Ta73oiLBvVsIpk1tTWIp3v7-RNih9h67UunWT66p3RYX6_xCUPH9jzJo

 

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 193 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date