Socijala

O Skopje notirinel 56 berša taro katastrofalno phuvjakoro tinaniba ko 26 juli 1963 berš

E phuvjakoro tinaniba ko Skopje taro 1963 berš sine zoralipaja taro 6,1 digria, so sine ko Skopje ki teganutni Socijalistikani Republika Makedonia , sar kotor tari teganutni SFR Jugoslavia , so ko 26 juli 1963 berš mule 1.070 manuša, a ratvarde sine maškar 3.000 thaj 4.000 manuša , a pobuter taro 200.000 manuša ačhile bizo khera. Paše 80% tari diz sine zijankerdo.

E phuvjakoro tinaniba so sine registririme zoralipaja taro 6,1 ko momentalno basamako aso o zoralipa (so si ekvivalentno ko 6,9 digripa aso o Rihter), sine ko 26 juli 1963 berš ko 05:17 prekal lokalno vakti ko Skopje.
 
O inteziteti sine 20 sekundia thaj astardo majbut sine o regioni tari len Vardar . Ko jekh sine em majtikno tinanibaskiri seria so sine sa dži ko 5:43 o časo.

Ko roko taro nekobor divesa palo phuvjakoro tinaniba , 35 nacie rodingje taro generalno parlamento ko Unime Nacie te ovel ki agenda o Skopje, suportoske.
Odova suporto sine ki forma taro love, , medicinsko, inžinersko timia thaj odola timia sine akceptirime taro 78 thema tari sasti lumia.

Youtube:

O Finsko Roma sar o aver da Fincia sine ko fronti ko periodo 1939-1945 berš

Monumento bašo mule Roma ko maripa ko periodo 1939-1945 berš ko limoria taro Hietaniemi ko Helsinki si majpakjavutne jekhutno ki lumia so si vazdime sar respekto premal o Roma so lele than ko mariba.

O monumento sine barabutne kerdo taro finsko Roma thaj o veteransko organizacie thaj Nacionalno konsiloskoro ofiso bašo romane bukja RONK suportoa tari i them em i khangiri.

O umetniko Heiki Haivajoja dizajniringja thaj kergja o fundamento e monumentoske so si kerdo taro bara taro Termakoski thaj o phago tkrlako so ilustririnel o phago dromaripa. Ko bar funda si hramosardo ki finsko thaj romani čhib " Ko lipar - memoria e Romenge so mule ko mariba taro 1939-1945 berš".

Ko 1997 berš, barabutne inicijativaja taro finsko romane organizacie thaj o RONK ko Ofiso sine kerdo utsavalkeriba taro romane soldateskere veterania.

Sar organizatori e utsavalkeribaske sine o ministeri avrutne bukjenge Tarja Halonen, so ko 17 oktomvri 2003 berš sar presidento e themake thaj sine notirime akava monumento ko limoria ko Hietaniemi te šaj kerel pe notacia e romane veteranenge so mule ko vakti kana sine o maribe.

Pobuter taro 300 Roma lele than ko kontinuirimo mariba kotar so 60 olendar sine lenge dendo ordeno sar heroia.

O mariba ko jekh kergja presia e Romenge taro aver da faktoria . Upreder 30 % tari romani populacia ki Finska dživdinena sine ko regioni tari Carelia thaj sar rezultati taro mariba paše 1.000 Roma ola mukhle ple khera bizi šansa te šaj iranen pe. Palo egzistencia em te arakhen peske khera o Roma sine legarde sakote ki Finska majbut olendar bizo themakoro suporto sar o aver da manuša taro regionia tari Carelia.

Rom siklo sebepi kerdo feleri so džal sine ki specialno škola ki germania, o kriso angja deczia te pukjinel pe leske lovengiri kompenzacia

O kriso ko Keln, germania angja decizia kote o 21 beršengoro Nenad. M. so si tari Srbia thaj si Rom ka pukjinel pe leske lovengiri kompenzacia.

Ov 11 berša prekal feleri džala sine ki speciajlno škola ki Bavaria - Germania čhavenge so si phare ko sikljojbe. Ov džanela sine salde srpsko em romani čhib.

Kana ola selingje pe tari Bavaria ki Rajna Vestfaliua o Nenad sine legardo ki škola kote si mentalno retardirime čhave bizo te kontrolirinen oleskere mentalno kapacitetoa. Akana i prokraina Rajna vestfalia ka trubul te pukjinel kompenzacia aso olengiri procediralno feleri.

O Nenad palo 11 berša edukacoia ko "spec škole" reslja šajdipa te džal ki normalno škola kote so agorkergja la ko 2016 berš prosekoja “1,6” (kote o “1” ko germaniakoro edukaciakoro sistemo si majuči ocenka. )
I Asociacia Mittendrin seljaminkergja akaja andi decizia taro kriso. „O akti e nenadea nane izolirime thaj isi aver da egzamplia" vakergja i direktorka tari akaja asociacia Eva Maria Toms.
O našaviba ko love bukjakere sar konsekvenaca si notirime kaj si 40.000 eura soske i škola agorkergja la but majpalal, thaj o post trauma si notirime sar ekstra 20.000 eura.

O Kriso panda na angja i suma so trubul te ovel pukjime thaj odova ka ovel notirime sar javer kriseskoro akto.

Link: http://rominfomedia.rs/romski-ucenik-poreklom-iz-srbije-greskom-pohadao-specijalnu-skolu-u-nemackoj-sud-presudio-u-njegovu-korist-ima-pravo-na-novcanu-nadoknadu

O Roma tari Grcia

I romani nacia ki Grcia jali Grčko Rom (grčko: Ρομάνι / Ρομά) anvakerde sar Erlides (grčko: Ερλίδες), Ciganoj (grčko: Τσιγγάνοι), Atiganoi (Αθίγγανοι) jali panda majbilačhi forma sar Gjuftoi (grčko: Γύφτοι). O numero e Romengoro ki Gorcia notirinel pe kaj si paše 300.000. Ko 8 Aprilo 2019 berš e grciakoro govermento vakergja kaj o numero e Romengoro ki Grcia si paše 110.000.

I historia e Romengiri ki Grcia legarel pe taro XV veko . O anav Rom (Gyftos = Γύφτος), sine desavo drom istemalkerdo e romane naciake so majanglal sine dendo lenge taro Grkia so si le ilustracia kaj si ola taro Egipet.

Aso olengoro nomadikano stili dživdipaske ola nane koncetririme ko desavo notirimo geografsko regioni numas si hulavde ko sa o riga e themake. Buteder taro Grčko roma si hristiania so keren romane jali grčko lafi. Pobuter taro Roma so dživdinena ki Paščimali trakia si deklaririme sar muslimania thaj keren o jekh a jekh o romano dijalekti.

O Roma ki Grcia dživdinen ki sasti teritoria e themake majbut ki periferia e dizjenge . Majbaro centro taro Romano dživdipa lo Grcia si Agia Varvara so isi but sukcesiali romani jekhin thaj o Ano Liosia kote oj si hari počoroli. Ola ko majbaro egzamplia ikeren pire adetia thaj tradicia.

Buteder taro o Roma si hristiania thaj lele grčko identiteti (čhib em anava) a potikno kotor olendar si muslimania Roma koncetririme ki trakia thaj akceptiringje majbut e Turkiakoro identiteti.

O grčko Roma si pendžarde prekal olengiri mangin prekal i zurla thaj i davulia thaj i muzika so avela tari Izmir. Akaja muzika si lungo vakti popularno maškar o Roma thaj o Jaudie.

Pendžarde Roma tari Grcia si: Manolis Angelopulos - giljavutni, Paola Foka- giljavutni, Kostas Hacis - muzičaro, Irini merkuri - giljavutno, Hristos Pacacpglu - grčko internacionalno fudbaleri, Vasilis Saleas -klarinetisti, Sotis Volanis - giljavutno, Gorgjos Jakumakis - fudbaleri thaj avera.

 

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 97 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date